8 Ndaa

Tuu nga ca xhenemigu Dios

Ni jma xhenemigu Dios nga Satanás. Laabe nga ti ánjel ni bicaalú Jiobá. Satanás cucaaluruʼ Dios ne rutiidibe binni lu stale guendanagana. Satanás malu laa, rusiguii ne ruuti binni (Juan 8:44).

Xcaadxi ánjel gucuanucaʼ Satanás para gucaalucaʼ Dios. Biblia na lácabe demonio. Cásica Satanás, ca demonio ca nácacaʼ xhenemigu binni. Riuláʼdxicabe guninácabe binni (Mateo 9:32, 33; 12:22). Jiobá zunitilú Satanás ne ca demonio ca. Maʼ xcaadxisi dxi nga nápacabe para guninácabe binni (Apocalipsis 12:12).

Pa racalaʼdxuʼ gaca xhamíguluʼ Dios la? cadi guʼnuʼ ni riulaʼdxiʼ Satanás. Satanás ne ca demonio nanaláʼdxicaʼ Jiobá. Nácacabe xhenemigu Dios ne racaláʼdxicabe zacaca gácanu. Nga runi, naquiiñeʼ cuiluʼ tu riulaʼdxuʼ guʼnuʼ ni ná: Satanás la? o Jiobá. Pa racalaʼdxuʼ guibániluʼ sin qué guiuu dxi gátiluʼ la? nápaluʼ xidé guʼnuʼ ni ná Dios. Satanás napa stale maña para quite binni. Zacá riguítebe stale binni (Apocalipsis 12:9).