8 ndaa

Guibaninenu binnilídxinu modo riulaʼdxiʼ Dios

Xi lugar napa hombre ndaaniʼ lidxi (1)

Ximodo naquiiñeʼ gaca ti hombre ne xheelaʼ (2)

Xi guiráʼ ndiʼ naquiiñeʼ guni bixhoze binni (3)

Xi lugar napa ti gunaa ni maʼ bichaganáʼ ndaaniʼ lidxi (4)

Xi canabaʼ Dios bixhoze binni ne jñaa ne ca xiiñiʼ (5)

Xi na Biblia de guendarusabixheelaʼ ne divorcio (6, 7)

1. Biblia na hombre nga xaíque stiʼ binnilidxi (1 Corintios 11:3). Hombre la? napa xidé gapa ti xheelaʼ si, ne guendaxheelaʼ stiʼ napa xidé gácani casi na ley (1 Timoteo 3:2; Tito 3:1).

2. Hombre la? naquiiñeʼ ganaxhii xheelaʼ casi nadxii laca laa. Naquiiñeʼ gúnibe casi biʼniʼ Jesús cani guzané (Efesios 5:25, 28, 29). Cadi chuʼ dxi cápabe nin guninabe xheelabe. Sínuque, naquiiñeʼ gusisácabe ne guni respetarbe laa (Colosenses 3:19; 1 Pedro 3:7).

3. Bixhoze tobi naquiiñeʼ guni dxiiñaʼ nadipaʼ para ganda guyaanaʼ binnilidxi. Naquiiñeʼ gudiibe ni go, ni cuaʼquiʼ ne ra chuʼ xheelabe ne ca xiiñibe ne gusiidibe laacaʼ guiráʼ ni zeeda de Dios (1 Timoteo 5:8). Laaca naquiiñeʼ sanírube ti gacanebe binnilídxibe guiziidicaʼ de Dios ne Cani maʼ gudixhe ique guni (Deuteronomio 6:4-9; Efesios 6:4).

4. Ti gunaa napa xidé gacané xheelaʼ (Génesis 2:18). Naquiiñeʼ gacanebe xheelabe para guiziidiʼ xiiñicabe (Proverbios 1:8). Jiobá racalaʼdxiʼ de que gunaa gapa binnilidxi ne guendarannaxhii (Proverbios 31:10, 15, 26, 27; Tito 2:4, 5). Gunaa la? naquiiñeʼ gapa stale respetu xheelaʼ (Efesios 5:22, 23, 33).

5. Dios canabaʼ ca xiiñiʼ binni guzuubacaʼ stiidxaʼ bixhózecaʼ (Efesios 6:1-3). Laabe ribézabe binni gusiidiʼ ne uguu jneza xiiñiʼ. Bixhoze binni ne jñaa naquiiñeʼ guyubi chuʼné xiiñiʼ biaʼ gándatiʼ, ne guʼndanécabe laacaʼ Biblia ti ganda gusiidicabe laacaʼ xi na Dios, zacá zánnacabe nadxii bixhózecabe laacabe (Deuteronomio 11:18, 19; Proverbios 22:6, 15). Cadi naquiiñeʼ guniná xhaatacabe ca xiiñicabe ora uguu jnézacabe laacaʼ (Colosenses 3:21).

6. Ora ti guendaxheelaʼ napa guendanagana ne qué riene saacaʼ la? jma jneza nga gúnicabe ni na Stiidxaʼ Dios. Biblia cayabi laanu ganaxhiinu ne gutidiláʼdxinu donda (Colosenses 3:12-14). Stiidxaʼ Dios cadi caníʼ diʼ ni de que guendarusabixheelaʼ zunichaahuiʼ intiica si guendanagana. Peru zanda gusabixheelaʼ ti gunaa pa xheelabe 1) qué liica naʼ guyaanaʼ ca binnilidxi, 2) nabé nandáʼ ique ne guendanazaca o guendanabani stiʼ binnilidxi nuu naxoo o 3) rucueeza xhaataʼ xheelabe laabe gúnibe ni na Jiobá (1 Corintios 7:12, 13).

7. Cani maʼ bichaganáʼ la? cadi naquiiñeʼ gucheené xheelaʼ. Ora tobi riuuné xheelaʼ stobi cucheené xheelaʼ ne cucheené Dios (Hebreos 13:4). Biblia na de que ti binni zanda gaca divorciar ne guichaganáʼ sti biaje ora xheelabe gapa xnadxii (Mateo 19:6-9; Romanos 7:2, 3). Jiobá nanalaʼdxiʼ ora tuuxa gaca divorciar pur sin ti razón ni cudii Biblia ne guichaganáʼ stobi (Malaquías 2:14-16).

[Dibuju/foto ni zeeda lu yaza 17]

Dios ribézabe binni gusiidiʼ ne uguu jneza xiiñiʼ

[Dibuju/foto ni zeeda lu yaza 17]

Bixhoze binni ni nadxii binnilidxi naquiiñeʼ gudii ni caquiiñecabe ne gusiidiʼ laacabe stiidxaʼ Dios