9 Ndaa

Tuu nga ca xhamigu Dios

Jesucristu nga xiiñiʼ Jiobá ni jma xhamígube ni nadxiibe. Ante guibánibe casi binni lu Guidxilayú la? Jesús bibánibe guibáʼ casi ti ánjel nandxóʼ (Juan 17:5). De raqué beedabe Guidxilayú riʼ para gusiidibe binni ni dxandíʼ de Dios (Juan 18:37). Laaca bidiibe xquendanabánibe para gulabe binni ruzuubaʼ diidxaʼ de donda ne guendaguti (Romanos 6:23). Yanna Jesús maʼ naca Rey stiʼ Reinu stiʼ Dios, ti gobiernu de guibáʼ ni chiguni Guidxilayú riʼ ti paraisu (Apocalipsis 19:16).

Ca ánjel ca laaca xhamigu Dios laacaʼ. Ca ánjel ca qué nuzulú diʼ xquendanabánicabe casi binni lu Guidxilayú. Guyáʼcabe guibáʼ ante guzáʼ Dios Guidxilayú (Job 38:4-7). Nuu miyón de ánjel (Daniel 7:10). Ca xhamigu Dios de guibáʼ riʼ la? racaláʼdxicabe guiziidiʼ binni ni dxandíʼ de Jiobá (Apocalipsis 14:6, 7).

Dios laaca napa xhamigu lu Guidxilayú riʼ; gulee labe laacaʼ testigu stibe. Ti testigu ni nuu nezalú ti jués riníʼ ni nanna de tuuxa o xiixa. Ca testigu stiʼ Jiobá riníʼnecaʼ binni de Jiobá ne de ni chigúnibe (Isaías 43:10). Cásica ca ánjel ca, ca Testigu racaláʼdxicaʼ gacanecaʼ lii guiziiduʼ ni dxandíʼ de Jiobá. Lii laaca racaláʼdxicabe gaca xhamíguluʼ Dios.