Tu cayuni mandar binni guidxilayú
Ñee...
... Dios la?
... binni la?
... Binidxabaʼ la?
XINÁ BIBLIA
«Naaze dxiichi binidxaba idubi guidxilayú.» (1 Juan 5:19.)
«Nga runi beeda Xiiñi Dios, beda uchiá xhiiña binidxabaʼ.» (1 Juan 3:8, Stiidxa Dios Didxazá, SDD.)
XIMODO ZACANÉ NGA LAANU
Ziénenu xiñee nuu stale guendanagana lu Guidxilayú riʼ (Apocalipsis 12:12).
Nápanu razón para guni crenu zabáninu galán lu Guidxilayú riʼ (1 Juan 2:17).
ÑEE ZANDA GUNI CRENU NI NA BIBLIA LA?
Zanda pue, nuu chonna razón:
Maʼ nexheʼ ni chiguizaaca gobiernu stiʼ Binidxabaʼ. Jiobá naguixhe gunitilú gobiernu stiʼ Binidxabaʼ. Laabe guniʼbe zaguixhedxibe Binidxabaʼ, ne zabeebe guiráʼ yuubaʼ ni napa binni pur laa (Hebreos 2:14).
Dios gulí Jesucristu para guni mandar. Maʼ gadxepeʼ Jesús que Binidxabaʼ. Xiñee rininu zacá yaʼ. Purtiʼ Binidxabaʼ malu laa ne ruyubi puru para laasi. Peru Dios guníʼ xi zazaaca dxi guni mandar Jesús: «Ziabe cani caquiiñeʼ gacanécabe laacaʼ ne ca pobre [...]. Zulabe cani cuquiichinácabe laacaʼ» (Salmo 72:13, 14, Traducción del Nuevo Mundo).
Dios qué liica rusiguii. Biblia cayabi laanu «qué rusiguii [Dios]» (Tito 1:2, SDD). Nga runi, ora maʼ guníʼ Dios chiguni xiixa la? nanna dxíchinu zaca ni (Isaías 55:10, 11). Ne maʼ guniʼbe zabeebe binni ni cayuni mandar lu Guidxilayú riʼ (Juan 12:31).
GUNÍʼ IQUE
Ximodo zabáninu ora maʼ qué guni mandar Binidxabaʼ binni guidxilayú.
Biblia cacabi ni gunabadiidxanu ca lu SALMO 37:10, 11 ne APOCALIPSIS 21:3, 4.