BIZULÚ GUNIʼNÉ BINNI
LECCIÓN 6
Guca nadxibalú
Principiu stiʼ Biblia: «Bidii Dios laadu valor para guni predicardu ca noticia galán stiʼ Dios» (1 Tes. 2:2).
Ni biʼniʼ Jesús
1. Biiyaʼ VIDEU RIʼ o biindaʼ Lucas 19:1-7. Despué guníʼ ique ni ná ca pregunta riʼ:
¿Xiñee zándaca guyuu binni ni qué riná guidxaaga Zaqueo?
¿Xi bicaa Jesús guni predicar laabe?
¿Xi rusiidiʼ ejemplu stiʼ Jesús laanu?
2. Naquiiñeʼ gácanu nadxibalú para guni predicarnu tutiica binni.
Yenanda ejemplu stiʼ Jesús
3. Gupa confianza Jehová. Cásica bidii Dios espíritu stiʼ Jesús para gunda biʼniʼ predicar, laaca zanda gudiibe ni lii (Mat. 10:19, 20; Luc. 4:18). Gunabaʼ Jehová gacané lii para guiníʼneluʼ binni ni zándaca guchibi lii (Hech. 4:29).
4. Cadi gúniluʼ menu binni. Nuu biaje raca nagana para laanu guni predicarnu binni pur modo rihuinni, pur modo nabani, pa napa o qué gapa bueltu o pur religión stiʼ. Peru cadi guiaandaʼ ndiʼ lii:
Nanna Jehová ne Jesús xi nuu ndaaniʼ ladxidóʼ binni; laanu coʼ.
Riá Jehová guiráʼ binni.
5. Guca nadxibalú peru bisihuinni nuu xpiaaniluʼ (Mat. 10:16). Biʼniʼ respetar binni ne cadi tinde diidxaneluʼ laa. Pa gúʼyaluʼ qué naʼ binni ca gucaadiaga o racaláʼdxibe gúnibe lii xiixa la? né diidxaʼ nadóʼ gudxi laabe maʼ cheluʼ (Prov. 17:14).