BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • w08 15/1 yaza 20-24
  • Ca binni ni maʼ guníʼ Dios zanda chuʼ lu reinu stiʼ

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Ca binni ni maʼ guníʼ Dios zanda chuʼ lu reinu stiʼ
  • Torre stiʼ ni rapa ni caníʼ de Reinu stiʼ Jiobá 2008
  • Subtítulo
  • Laaca zanda gúʼndaluʼ
  • Guníʼ Dios maʼ runi cani za de Abrahán ni jneza
  • Ximodo cazaa guiráʼ ca binni que
  • ¡Mayaca guizaa guiráʼ binni ni chiguni mandar guibáʼ!
  • «Espíritu ca nga rabi espíritu stinu xiiñiʼ Dios laanu»
    Torre stiʼ ni rapa ni caníʼ de Reinu stiʼ Jehová (estudiu) 2020
  • Zinedu laatu
    Torre stiʼ ni rapa ni caníʼ de Reinu stiʼ Jehová (estudiu) 2020
  • «Zinedu laatu»
    Torre stiʼ ni rapa ni caníʼ de Reinu stiʼ Jiobá 2016
  • Guiéchenu pur ni chigudii Dios laanu
    Torre stiʼ ni rapa ni caníʼ de Reinu stiʼ Jiobá 2012
Biiyaʼ jma
Torre stiʼ ni rapa ni caníʼ de Reinu stiʼ Jiobá 2008
w08 15/1 yaza 20-24

Ca binni ni maʼ guníʼ Dios zanda chuʼ lu reinu stiʼ

«Zacá nga rihuinni jneza runi Dios. [...] [Ne] zacané ni para ihuinni ma nuu tu para chuʼ tu ra runi mandar be.» (2 TES. 1:5.)

1, 2. Xi maʼ gudixhe Dios guni, ne tu lu naʼ bisaanabe dxiiñaʼ ca.

ZÁNDACA guyé apóstol Pablu guidxi Atenas lu iza 50 despué de ca dxi stiʼ Jesús. Ra canazabe ndaaniʼ guidxi que biiyabe guiráʼ bidóʼ napa ca binni que, bichiichi ngue laabe ne bicaani laabe guiníʼnebe ca binni de Atenas que ni na Dios. Libana sicarú ni bidiibe raqué zándaca bicaani ca binni ni cucaadiaga laabe que guiníʼ íquecaʼ. Laabe bilúxebe libana que ne ca diidxaʼ riʼ: «Ma cayabi [Dios] irá binni de irá ladu inaba perdon laabe, purti ma gudixhe be ti dxi cuidxi be cuenta laacaʼ. Ma ulí be tobi hombre guni ni, ne zuni ni jneza. Bisihuinni be ulí be laa ra undisa be laa de lade gueʼtuʼ» (Hech. 17:30, 31).

2 Lu textu ca bizeeteʼ Pablu maʼ gudixhe Dios ti dxi para guni juzgar guiráʼ binni, pur nga riquiiñeʼ guiníʼ íquenu de laani. Peru textu ca cuzeeteʼ cadi Jiobá peʼ nga chiguni ni, sínuque maʼ bisaanabe ni lu naʼ sti binni. Tu binni ca yaʼ. Nécapeʼ qué nuzeeteʼ Pablu labe la? nánnanu Jesucristu ni biasa lade gueʼtuʼ nga laabe. Ne ora guni juzgarbe zahuinni tuu nga cani zati ne tuu nga cani qué zati.

3. Xiñee biʼniʼ Jiobá ti pactu ne Abrahán, ne tuu nga chiguiquiiñeʼ Dios para gaca ni na pactu que.

3 Ti mil iza nga zandaa dxi gaca juzgar binni, ne Jesús ni naca Rey lu Reinu stiʼ Dios nga chiguni ni lugar stiʼ Bixhoze. Peru cadi stubi si Jesús nga chiguni ni. Jiobá maʼ gulí caadxi binni para guni mandárnecaʼ laabe ne guni juzgárnecaʼ laabe ti mil iza ca (zanda guiuundaʼ Lucas 22:29, 30). Maʼ raca biaʼ tapa mil iza nga bisihuinni Jiobá zeeda tuuxa para guni juzgar binni, dxi bíʼnibe ti pactu ne Abrahán, hombre ni bizuubaʼ stiidxabe que, ne bizulú cayuni pactu ca dxiiñaʼ dede lu iza 1943 ante de ca dxi stiʼ Jesús (biindaʼ Génesis 22:17, 18). Abrahán qué ñene diʼ xi guiráʼ zabeendú binni pur pactu que. Peru laanu maʼ riénenu ni purtiʼ maʼ bizíʼdinu stale de laani, ne nánnanu zuni cani za de Abrahán ti dxiiñaʼ nabé risaca purtiʼ chiguiquiiñeʼ Dios laacaʼ para guni juzgar binni.

4, 5. 1) Tuu nga binni ni jma risaca ni gule lade ca xiiñiʼ Abrahán, ne xi guniʼbe de Reinu. 2) Dede padxí maʼ bizulú cabí Dios binni para chuʼ lu Reinu.

4 Binni ni jma risaca ni gule lade ca xiiñiʼ Abrahán nga Jesús. Gulí Dios laabe lu iza 29 pur espíritu santu, zacá beeda gácabe Mesías, o Cristu, ni maca bieeteʼ gueeda que (Gál. 3:16). Guionnaʼ iza arondaʼ ni gudiʼdiʼ dede dxi bibí Jesús la? jma gucuá ique gucheeche ca diidxaʼ nacubi ne galán stiʼ Reinu ra nuu ca judíu. Gunaazesícabe Juan ni Riguunisa que, bisihuinni Jesús zándaruʼ chuʼ binni para guni mandar lu Reinu stiʼ Dios guibáʼ ora guníʼ: «Dede ca dxi stiʼ Juan ni riguunisa que hasta nagasi la? lu reinu ni nuu guibáʼ ca nga cayuni stale binni stipa para chuʼ, ne cani cayuni stipa nga cani cayanda cayuucaʼ luni» (Mat. 11:12, NM).

5 Ante guiníʼ Jesús zanda chuʼ binni lu Reinu ni nuu guibáʼ la? guníʼ ca diidxaʼ riʼ: «De lade irá binni, qué huaree tobi jma nandxóʼ que Juan Bautista, peru nuu tu jma nandxóʼ que laabe ne nga nga tutiica guiuu lade ca xpinni Dios, neca huaxiéʼ laa» (Mat. 11:11). Xiñee guniʼbe zacá yaʼ. Purtiʼ bizulú cabí Dios binni para chuʼ lu Reinu ni nuu guibáʼ ca biaba si espíritu santu luguiáʼ ca xpinni Cristu ni bizuubaʼ diidxaʼ lu Pentecostés stiʼ iza 33, ne para dxi ca maʼ guti Juan ni Riguunisa (Hech. 2:1-4).

Guníʼ Dios maʼ runi cani za de Abrahán ni jneza

6, 7. 1) Xiñee guníʼcabe zaca ca xiiñiʼ Abrahán «casi beleguí ni nuu guibáʼ». 2) Xi ndaayaʼ gucuaa Abrahán, ne xi ndaayaʼ casi laani gucuaa cani za de laabe.

6 Abrahán gudxi Dios laa zadale cani za de laa ne zácacaʼ «casi beleguí ni nuu guibáʼ» ne «casi yuxi ni rí guriá nisadóʼ» (Gén. 13:16; 22:17). Ndiʼ nga ni zanda guiénenu ne ca diidxaʼ ca: ca dxi stiʼ Abrahán que la? nin ti binni qué ñanda diʼ ñanna pándapeʼ nga ca binni ni za de Abrahán ni cheʼ guibáʼ. Peru, ra gudiʼdiʼ ca iza ca maʼ bihuinni biaʼsi 144,000 nga laacabe, aparte de Jesús (Apo. 7:4; 14:1).

7 Stiidxaʼ Dios na: «[Abrahán] gupa fe Jiobá; ne laa guníʼ rúnibe ni jneza» (Gén. 15:5, 6). Dxandíʼ nga gastiʼ nin ti binni ni runi guiráʼ cosa jneza (Sant. 3:2). Peru cumu gupa Abrahán stale fe Jiobá la? laa guníʼ nácabe ti binni runi ni jneza ne dede guníʼ Dios xhamigu laabe (Isa. 41:8). Ca binni ni chichuu lu Reinu ca ne Jesús la? nga nga cani za de Abrahán ni cheʼ guibáʼ. Laacabe maʼ guníʼ Dios jneza ni rúnicabe, nga runi jma stale ndaayaʼ cacaacabe que ni gucuaa Abrahán.

8. Xi ndaayaʼ cacaa ca binni ni za de Abrahán.

8 Ca xpinni Cristu ni bibí ca maʼ guníʼ Dios rúnicaʼ ni jneza purtiʼ nápacaʼ fe lu guendaguti stiʼ Jesús (Rom. 3:24, 28). Para Jiobá maʼ bixá pecadu stícabe, nga runi zanda cuí Dios laacabe pur espíritu santu para gaca xiiñiʼ laacabe guibáʼ ne gácacabe biʼchiʼ ne bizaʼnaʼ Jesucristu (Juan 1:12, 13). Ne riuucabe lu ti pactu cubi ne reeda gácacabe ti guidxi cubi, «Israel stiʼ Dios» (Gál. 6:16; Luc. 22:20). ¡Nabé riéchecabe stale pur nga! Pur guiráʼ ca cosa ni maʼ biʼniʼ Dios pur ca binni ni maʼ bibí riʼ la? maʼ qué riníʼ íquecaʼ guibánicaʼ sin gáticaʼ ndaaniʼ Guidxilayú riʼ. Ribeecabe ni de ndaaniʼ íquecabe, purtiʼ riéchecabe stale gánnacabe zuni juzgarnécabe Jesús ne zuni mandarnécabe laa guibáʼ (biindaʼ Romanos 8:17).

9, 10. 1) Padxí nga primé biaje bibí ca xpinni Cristu pur espíritu santu, ne xi bidxagalúcabe. 2) Ximodo gucané Dios ca xpinni Cristu ni bibí que.

9 Lu Pentecostés stiʼ iza 33 que bibí ti gayuaa gande hombre ne gunaa ni bizuubaʼ diidxaʼ para chuʼcaʼ lu grupu ni chiguni mandarné Jesús dxi gaca juzgar binni. Guiráʼ ca discípulo stiʼ Jesús ni nuu raqué guyuunísacaʼ ne espíritu santu, zaqué nga beeda gácacaʼ ca primé xpinni Cristu ni bibí. Peru, deruʼ ngue nga primé cosa ni guca para ganda guibánicabe guibáʼ sin gáticabe. Dede óraque bizulú Binidxabaʼ bitiidiʼ laacabe lu stale guendanagana, peru laacabe qué nusaana de nuzuubacabe stiidxaʼ Jiobá. Gúnnacabe zacaacabe guendanabani ca guibáʼ pa qué guixélecabe de Dios dede ora gáticabe (Apo. 2:10).

10 Jiobá bidii conseju ne stipa ca xpinni Cristu ni bibí que para guzuubacaʼ diidxaʼ, ne biquiiñebe ca binni ridagulisaa ne Stiidxabe para bíʼnibe ni. Casi apóstol Pablu la? bicaa ra nuu ca xpinni Cristu ni bibí de Tesalónica: «Uní né du cada tobi tu casi riníʼ né bixhoze binni laa. Ucané du laatu para cadi iree tu gana, ne gudxi du laatu sa tu casi naquiiñe sa ca xpinni Dios. Laa guridxi laatu para ganda chuʼ tu ra runi mandar, ne guʼya tu enda nandxóʼ stiʼ» (1 Tes. 2:11, 12).

11. Xi gudixhe Jiobá guicá para ca binni ni beeda gaca «Israel stiʼ Dios».

11 Lu xcaadxi iza ni gudiʼdiʼ dede dxi bibí ca xpinni Cristu que primé biaje pur espíritu la? gudixhe Jiobá guicá modo bicheeche Jesús diidxaʼ ndaaniʼ Guidxilayú riʼ. Laaca biluiʼbe naquiiñeʼ guicá ximodo guyuunebe ca xpinni Cristu ni bibani lu primé siglu que, ne ca conseju ni bidiibe laacaʼ. Ngue runi gudixhe Dios gucaa ca xpinni guirani lu diidxaʼ griegu, ca ndiʼ nga ni bizaané sti ndaa Stiidxaʼ Dios ni gucuá lu hebreu ni maca nuu que. Stiidxaʼ Dios ni gucuá hebreu que gucuani para guidxi Israel ni guyuu dxiqué, dxi guyuucaʼ galán ne Dios. Yanna, Stiidxaʼ Dios ni gucuá lu diidxaʼ griegu la? gucuani párapeʼ «Israel stiʼ Dios», nga nga ca binni ni bibí pur espíritu para gácacaʼ biʼchiʼ ne bizaʼnaʼ Cristu ne gácacaʼ xiiñiʼ Dios guibáʼ. Cásica guleendú ca binni ni cadi naca de guidxi Israel stale cosa ora biindacaʼ Stiidxaʼ Dios ni gucuá lu diidxaʼ hebreu que la? zacaca nga ribeendú ca xpinni Cristu ni qué zie guibáʼ stale cosa ora gúʼndacaʼ ne gúnicaʼ guiráʼ ni na ca conseju ni zeeda lu Stiidxaʼ Dios ni gucuá lu diidxaʼ griegu (biindaʼ 2 Timoteo 3:15-17).

12. Xi bisietenalaʼdxiʼ Pablu ca xpinni Cristu ni bibí que.

12 Ca xpinni Cristu ni bibani lu primé siglu que guníʼ Dios maʼ rúnicaʼ ni jneza ne bibicaʼ pur espíritu santu, nga runi maʼ zanda guibánicaʼ guibáʼ, nga nga ni zeeda gaca casi ti herencia sticaʼ. Neca maʼ gucuaacabe espíritu que la? caʼruʼ diʼ gácacabe rey purtiʼ nabanirúcabe ndaaniʼ Guidxilayú riʼ. Peru ruluíʼ cadi zaqué diʼ biene caadxi de laacabe ni, purtiʼ bizulú biyúbicaʼ guisácacaʼ jma lade xcaadxi xpinni Cristu, ne bíʼnicaʼ laacaʼ casi rey ládecabe. Ngue runi gudxi Pablu laacaʼ: «Laatu ruluíʼ ma napa tu irá ni caquiiñe tu, ma cadi cayaadxa laatu gastiʼ. Ma runi tu laatu nandxóʼ, ne ma bicaa ná tu laadu ti ladu. Aque galán pa dxandí ñaca tu nandxóʼ xa, ti ma ne laadu ñuʼ du lú ni» (1 Cor. 4:8). Apóstol que bisietenalaʼdxiʼ ca binni ni bibí que ca diidxaʼ riʼ: «Cadi cuyubi du quixhe du xi guni cre tu [...]. Ni cuyubi du la? nga acané du guieche tu» (2 Cor. 1:24).

Ximodo cazaa guiráʼ ca binni que

13. Ximodo cadale ca xpinni Cristu ni bibí gudiʼdiʼ si iza 33.

13 Lu primé siglu que la? qué nizaa diʼ 144,000 xpinni Cristu ni caquiiñeʼ que. Biaʼ tiempu bibani ca apóstol que bibiruʼ jma binni para chuʼcaʼ lu grupu que, peru guti si ca apóstol que la? ruluíʼ huaxiéʼ si binni nga ni bibí lu xcaadxi iza ni gudiʼdiʼ que. Neca zacá, bibiruʼ binni para cheʼ guibáʼ ne zacá cayácani dede ca dxi stinu (Mat. 28:20). Bizulú si Jesús cayuni mandar lu iza 1914 la? nagueendaca guca stale cosa.

14, 15. Ximodo nánnanu cabiruʼ Dios binni para cheʼ guibáʼ ca dxi stinu.

14 Primé ca ni biʼniʼ Jesús nga gulee guiráʼ ca ángel malu ni nuu guibáʼ ni cucaalú gobiernu stiʼ Dios (biindaʼ Apocalipsis 12:10, 12). De raqué maʼ bizulú cutópabe xcaadxi binni ni cayaadxaʼ chuʼ lu gobiernu que ti ganda guizaa 144,000 que. Para iza 1935 que la? bihuinni maʼ cadxiña dxi guiluxe guidopa guiráʼ ca binni ni cheʼ guibáʼ que, purtiʼ stale de ca binni ni cayuu ndaaniʼ xquidxi Dios maʼ qué nusihuínnidicaʼ rápacaʼ gana checaʼ guibáʼ. Espíritu santu maʼ qué nucaa diʼ laacabe niníʼ íquecabe nácacabe xiiñiʼ Dios (zanda guiuundaʼ Romanos 8:16). Ca binni riʼ bihuinni nuucaʼ lade «xcaadxi dendxu» ni chiguibani sin gati ndaaniʼ Guidxilayú riʼ ora maʼ gácani ti paraísu (Juan 10:16). Ngue runi, gudiʼdiʼ si iza 1935 maʼ bizulú cayaca dxiiñaʼ para guidopa guiráʼ ca binni ni zalá lu ca dxi jma nagana ca, casi biʼyaʼ Juan ni lu ti visión (Apo. 7:9, 10, 14).

15 Neca zacá, dede ca iza ni gudiʼdiʼ despué de 1935 huareeruʼ xcaadxi binni ni maʼ bibí pur espíritu santu para checaʼ guibáʼ. Xiñee yaʼ. Zándaca cayaca ni para chúʼcabe lugar stiʼ chupa chonna de ca xpinni Cristu ni bibí peru maʼ bixélecaʼ de Dios (zanda guiuundaʼ Apocalipsis 3:16). Casi Pablu, laapeʼ binibiáʼ caadxi xpinni Cristu ni bixélecaʼ de ni runi crecaʼ (Fili. 3:17-19). Yanna, tu guyubi Jiobá para chuʼ lugar stiʼ ca binni ca yaʼ. Nga maʼ laabe ribibe tu laa. Peru ruluíʼ si qué ribídibe binni ni deruʼ caziidiʼ, sínuque ribibe ca xpinni Cristu ni maʼ zinecaʼ ti tiempu de cusihuínnicaʼ dxandíʼ ruzuubacaʼ stiidxaʼ Dios. Zacá biʼniʼ Jesús ni ne ca discípulo stiʼ, dxi gudixhe guietenaláʼdxicabe guendaguti stiʼ (Luc. 22:28).a

16. Xi cabézanu gaca ne guiráʼ ca xpinni Cristu ni bibí pur espíritu, ne xi nánnanu zaca ne ca binni ni guibani ndaaniʼ Guidxilayú riʼ.

16 Peru ruluíʼ cadi guiráʼ diʼ cani cabí Dios pur espíritu para cheʼ guibáʼ dede 1935 nga cani chichuu lugar stiʼ cani maʼ bixeleʼ de laabe. Ruluíʼ si ni racalaʼdxiʼ Jiobá nga chuʼ xpinni Cristu ni bibí pur espíritu ládenu lu ca últimu dxi ra mayaca guinitilú guiráʼ ca cosa malu nuu yanna riʼ, ne ora maʼ guinitilú «Babilonia, guidxi roʼ», ni zeeda gaca xhenemigu Dios (Apo. 17:5).b Peru nánnanu zazaa 144,000 binni ca ora maʼ gudixhe Dios guizaa ni, ne ziuu guirácabe lu gobiernu stiʼ Dios guibáʼ. Ne nánnanu qué zaxeleʼ diʼ grupu de binni ni chiguibani ndaaniʼ Guidxilayú riʼ de Dios, zacá na Stiidxabe zácani. Laacabe qué záticabe lu ca dxi jma nagana ni gueeda luguiáʼ ca binni ni cayuni ni na Binidxabaʼ, ne ziéchecabe stale ora guiuucabe lu guidxilayú cubi stiʼ Dios.

¡Mayaca guizaa guiráʼ binni ni chiguni mandar guibáʼ!

17. Xiná 1 Tesalonicenses 4:15-17 ne Apocalipsis 6:9-11 maʼ guca ne caadxi xpinni Cristu ni bibí ne qué nixélecaʼ de Dios dede ora gúticaʼ.

17 Dede lu iza 33 despué de ca dxi stiʼ Jesús que la? mil de ca xpinni Cristu ni bibí pur espíritu santu maʼ bisihuínnicaʼ dxandíʼ nápacaʼ fe ne maʼ biʼniʼ huantarcaʼ sin nixélecaʼ de Dios dede ora gúticaʼ. Laacabe maʼ guníʼ Dios maʼ rúnicabe ni jneza ne zanda chúʼcabe lu Reinu stiʼ. Laaca maʼ bisibani Dios laacabe ne maʼ nuucabe guibáʼ, ne zándaca guca nga gudiʼdiʼ si ca primé iza de bizulú Cristu cayuni mandar (biindaʼ 1 Tesalonicenses 4:15-17; Apocalipsis 6:9-11).

18. 1) Xi nanna ca xpinni Cristu ni bibí pur espíritu ni nabániruʼ ndaaniʼ Guidxilayú riʼ dxandíʼ zaca. 2) Xi riníʼ ique xcaadxi dendxuʼ ca de cani bibí pur espíritu.

18 Xcaadxi xpinni Cristu ni bibí pur espíritu ni nabániruʼ ndaaniʼ Guidxilayú riʼ nánnacaʼ ziecaʼ guibáʼ pa guzuubacaʼ stiidxaʼ Dios dede ora gáticaʼ. Ca millón de xcaadxi dendxuʼ ca ruuyacaʼ pabiáʼ fe napa ca xpinni Cristu ni bibí pur espíritu ca, ne nga rucaa laacaʼ guiniʼcaʼ casi guníʼ apóstol Pablu de ca xpinni Cristu de Tesalónica: «Ratiica chuu du lade ca xpinni Dios ruluí du pabiáʼ rieche né du laatu. Rui né du laaca pabiáʼ runi cre tu ne modo qué huaxhacalaʼdxi tu neca cayaani ná cabe laatu ne cadiʼdi tu ra nagana. Zacá nga rihuinni jneza runi Dios. Cayacaná tu yanna purti xpinni be laatu, peru zacané ni para ihuinni ma nuu tu para chuʼ tu ra runi mandar be» (2 Tes. 1:3-5). Ora gati últimu xpinni Cristu ni bibí ca nga guizaa ca binni ni chichuu lu Reinu stiʼ Dios ca, ne lu intiisi tiempu zanda gaca nga. ¡Guizáʼ ziecheʼ guiráʼ cani nuu guibáʼ ne cani nuu ndaaniʼ Guidxilayú ora gaca nga!

[Cani cá ñee yaza]

a Biiyaʼ La Atalaya 1 stiʼ marzo 1992, yaza 20, párr. 17.

b Biiyaʼ ra na «Ni rinabadiidxaʼ cani ruundaʼ» ni biree lu La Atalaya 1 stiʼ mayo 2007.

Nánnaluʼ xi guicábiluʼ la?

• Xi gudxi Dios Abrahán ni bisihuinni zadxiña ti dxi gaca juzgar binni.

• Xiñee guníʼ Dios naca Abrahán ti binni runi ni jneza.

• Xi ndaayaʼ cacaa ca binni ni za de Abrahán ni cheʼ guibáʼ pur guníʼ Dios rúnicaʼ ni jneza.

• Xi nanna guiráʼ ca xpinni Cristu dxandíʼ zaca.

[Dibuju/foto ni zeeda lu yaza 20]

Jesús gudxi ca discípulo stiʼ gúnicaʼ stipa para ganda chuʼcaʼ lu Reinu

[Dibuju/foto ni zeeda lu yaza 21]

Lu Pentecostés stiʼ iza 33 que nga bizulú cabí Jiobá xcaadxi binni ni za de Abrahán para cheʼ guibáʼ

[Ca dibuju/foto ni zeeda lu yaza 23]

Ca binni ni zeeda gaca casi xcaadxi dendxuʼ ca riéchecaʼ purtiʼ cayúnicaʼ dxiiñaʼ ne ca xpinni Cristu ni bibí pur espíritu lu ca últimu dxi riʼ

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir