Ni rusiidiʼ stiidxaʼ Dios

Xiñee naquiiñeʼ guizíʼdinu de Dios

Tema riʼ zacaneni lii gánnaluʼ ximodo ricabi Biblia stiluʼ ca cosa ni zándaca huanabadiidxaluʼ. Pa riuuláʼdxiluʼ la? ca testigu stiʼ Jiobá zanda gúʼndanecaʼ lii ca guendarinabadiidxaʼ riʼ.

1. Xiñee naquiiñeʼ guizíʼdinu de Dios

Dios racalaʼdxiʼ gabi binni caadxi diidxaʼ ni zaguixhedxí ladxidoʼcaʼ. Ne lu stiidxabe zeeda cani racaláʼdxibe gánnanu. Biblia ca zeeda gácani casi ti carta ni biseendaʼ Bixhózenu ni nuu guibáʼ ra nuunu. (Biindaʼ Jeremías 29:11.)

2. Xi racalaʼdxiʼ Dios gusiidiʼ laanu

Nin ti gobiernu qué huayanda diʼ cuee guendaridinde, ca cosa ni qué raca jneza, guendahuará ne guendaguti. Peru Dios maʼ guníʼ ziuu ti gobiernu ni guni ni jneza. Gobiernu riʼ zabeeni yuubaʼ napa guiráʼ binni ne maʼ qué ziuuruʼ dxi guibiguetaʼ cani. (Biindaʼ Daniel 2:44.)

3. Xiñee risaca nga guizíʼdinu de Dios yanna

Maʼ cadi candaa zunitilú Dios guiráʼ binni malu. Peru ante gúnibe ni la? cusiidibe millón de binni gannaxhiicaʼ xcaadxi binni ne guibánicaʼ galán. Lu Biblia rizíʼdinu ximodo gudxíʼlunu ca guendanagana ni rápanu, ximodo guibáninu nayecheʼ ne ximodo gusiéchenu Dios. (Biindaʼ Sofonías 2:3.)

4. Tu bicaa Biblia

Biblia napa 66 libru ne biaʼ 40 hombre nga bicaa cani. Ca primé gaayuʼ libru ca bicaa Moisés cani raca chonna mil gaayuʼ gayuaa iza, ne últimu libru stini bicaa apóstol Juan ni raca ti mil gaʼ gayuaa iza. Nin tobi de ca hombre riʼ qué nucaacaʼ ni na íquecaʼ, sínuque bicaacabe ni na Dios. Nga runi zanda guininu Dios nga bicaa Biblia. (Biindaʼ 2 Timoteo 3:16 ne 2 Pedro 1:21.)

Xiñee nánnanu de Dios nga zeeda Biblia. Purtiʼ rúnini ti cosa ni qué randa runi binni, riniʼni xi chigaca ne biáʼsipeʼ modo raca cani (Isaías 46:9, 10). Ne lu guidubi ni rihuinni pabiáʼ sicarú nga modo naca Dios. Laaca nápabe poder para guchaabe modo nabani binni. Pur guiráʼ ni maʼ bizéʼtenu riʼ, millón de binni nanna dxichi Dios nga bicaa Biblia. (Biindaʼ Josué 23:14 ne 1 Tesalonicenses 2:13.)

5. Xi caquiiñeʼ gúninu para guiénenu Biblia

Nabé galán modo bisiidiʼ Jesús Stiidxaʼ Dios. Dxi bibánibe guyuu stale binni binibiáʼ Stiidxaʼ Dios, peru qué ñénecaʼ xiná ni. Para bisiénebe ca binni que xiná ni primeru biluiʼbe laacaʼ ca versículo stini ne despué bisiénebe cani laacaʼ. Cásica modo biʼniʼ Jesús para bisiidiʼ binni, zacaca chigusiene ndaa riʼ ne laani zacaneni lii guiene chaahuiluʼ cani rusiidiʼ Biblia. (Biindaʼ Lucas 24:27, 45.)

Nanna dxíchidu ziuuláʼdxiluʼ guiziidiluʼ de Dios ne ziuuláʼdxiluʼ gánnaluʼ xi pur nabáninu. Naquiiñeʼ gánnaluʼ cadi guiráʼ diʼ binni nga ziuulaʼdxiʼ guiziidiluʼ de lu Biblia. Peru nabé risaca gúniluʼ ni. Biblia rusiene, ca binni ni guiziidiʼ de Dios zanda guibánicaʼ sin qué chuʼ dxi gáticaʼ. (Biindaʼ Mateo 5:10-12 ne Juan 17:3.)

Pa riuuláʼdxiluʼ gánnaluʼ jma de laani la? biiyaʼ capítulo 2 stiʼ libru riʼ, ni biʼniʼ ca testigu stiʼ Jiobá.

Xipeʼ ndiʼ CUSIIDIʼ BIBLIA