Xiñee galán gánnaluʼ ni cayeeteʼ lu Biblia

Biblia nga ti libru ni jma runibiáʼ binni lu Guidxilayú. Xiñee yaʼ. Tobi de ca razón ca nga luni rieeteʼ binni ni dxandíʼ bibani ne rieeteʼ ximodo gúcacabe né binni ne ximodo gúcacabe né Dios. Historia stícabe rusiidiʼ laanu xiixa. Para gucuá cani biquiiñeʼ diidxaʼ ni ganda guiene binni ne qué nutálecabe diidxaʼ ti ganda guibiʼxhiʼ ni lu stale diidxaʼ, nga runi randa ruundaʼ tutiica binni ni ne neca gadxé gadxé tiempu guibánicaʼ. Ora tiica si zanda iquiiñeʼ ca conseju stini.

Ne nabé risaca Biblia ca purtiʼ luni rihuinni cadi ti libru si ni caníʼ de Dios ni, sínuque stiʼ Dios ni. Cayábini laanu tu láʼ Dios, ximodo laabe, ne cayábini laanu qué zuchaabe ni maca gudíxhebe gaca lu Guidxilayú riʼ ne ni naguíxhebe gúnibe para binni. Laaca cuzeeteʼ Biblia dede padxí nga maʼ bizulú guyuu guendaquéiquiiñeʼ ne ximodo zaree ni. Pa gucaa íquenu guiene chaahuinu ni na Biblia la? zacané nga laanu gápanu fe ne guicálunu Dios.

Qué zadxélanu cani zeeda lu Biblia ca sti ladu. Purtiʼ laasini nga cayábini laanu ni dxandíʼ de ca tema riʼ:

• Padé zeeda binni ne xiñee cayacaná

• Ni biʼniʼ Dios para gulá binni

• Ni biʼniʼ Jesús pur laanu

• Ni chiguni Dios lu Guidxilayú ne ni chigúnibe para binni

Xiñee qué gúʼyaluʼ xcaadxi tema ni zeeda raríʼ ti gánnaluʼ xidé caníʼ Biblia.