CANI RINABADIIDXAʼ BINNI DE BIBLIA
Ñee de Dios zeeda guiráʼ religión la?
Ora gunadiágaluʼ noticia zándaca rudiiluʼ cuenta nuu tiru riquiiñecabe religión para gúnicabe stale cosa dxabaʼ. Ni dxandíʼ nga cadi guiráʼ diʼ ca religión ca zeedacani de Dios (Mateo 7:15). Nga runi stale binni caguítecabe laacaʼ. (Biindaʼ 1 Juan 5:19.)
Peru Dios nanna nuu binni nayá ladxidóʼ ne nadxiicaʼ ni dxandíʼ ne ni jneza (Juan 4:23). Nga runi, runi invitarbe laacaʼ guyúbicaʼ gánnacaʼ ni dxandíʼ lu Biblia, Stiidxabe. (Biindaʼ 1 Timoteo 2:3-5.)
Ximodo zanda gannuʼ gunáʼ nga religión ni dxandíʼ
Cutagulisaa Jiobá binni ni gupa gadxé gadxé religión. Ximodo yaʼ. Ra cusiidibe laacaʼ xii nga ni dxandíʼ ne ximodo gannaxhiisaacaʼ (Miqueas 4:2, 3). Nga runi, lii zanda gúʼyaluʼ gunáʼ nga religión ni dxandíʼ pur modo ridxaaga ca binni nuu ndaaniʼ ni. (Biindaʼ Juan 13:35.)
Caquiiñeʼ Jiobá religión ni dxandíʼ ca para cutagulisaa guiráʼ clase binni. (Salmo 133:1)
Cani dxandíʼ xpinni Dios laaca la? runi crecaʼ ni zeeda lu Biblia ne rúnicaʼ ni na ca ley zeeda luni (2 Timoteo 3:16). Runi respetárcabe lá Dios (Salmo 83:18). Ne cadi ngasi, laaca rusiidicabe binni Reinu si stiʼ Dios nga zanda gacané binni guidxilayú (Daniel 2:44). Ne rudiicabe lugar guzaanicabe casi biaaniʼ, cásica biʼniʼ Jesús, ra gacanécabe xcaadxi binni (Mateo 5:16). Ne cadi nagana para gacabiaʼnu laacabe purtiʼ rigánnacabe ca xpecínucabe para guiniʼnécabe laacaʼ de ca cosa galán chiguni Reinu stiʼ Dios. (Biindaʼ Mateo 24:14; Hechos 5:42 ne 20:20.)