CA TEMA NI ZEEDA LU CA PRIMÉ YAZA | LII ZANDA GACA XHAMÍGULUʼ DIOS
Gástiruʼ sti cosa ni jma risaca
Xi zanda gúniluʼ para gaca xhamíguluʼ Dios yaʼ. Maʼ bidúʼyanu caadxi cosa ni zanda gúninu para gaca xhamígunu Dios ni bizáʼ laanu:
Gánnanu Jiobá nga labe ne guininu ni.
Guinínenu laabe gatigá ora guni orarnu ne guidúʼndanu Biblia.
Gúninu guiráʼ ni guinábabe laanu.
Para gaca xhamíguluʼ Dios guníʼ labe, guniʼné laabe, biindaʼ Biblia ne biʼniʼ ni canábabe lii
Ñee maʼ cayúniluʼ cani bizéʼtenu riʼ para guidxíñaluʼ Dios la? O ruuyaluʼ nuu xi cayaadxaʼ gúniluʼ. Zándaca caquiiñeʼ gúniluʼ stipa pur gúniluʼ cani, peru guníʼ ique xi guiráʼ zabeenduluʼ pa gúniluʼ guiráʼ ni.
Sicaríʼ guníʼ Jennifer, ti gunaa de Estados Unidos: «Qué zaca arrepentirnu pa gúninu intiica si pur gaca xhamígunu Dios. Pa gúninu ni zacaanu stale ndaayaʼ: jma zápanu confianza laabe, zunibiaʼnu laabe jma ne ni jma risaca la? jma zannaxhiinu laabe. Gástiruʼ sti cosa ni jma risaca».
Ñuuláʼdxiluʼ ñaca xhamíguluʼ Dios zacá la? Ziuulaʼdxiʼ ca testigu stiʼ Jiobá gacanecaʼ lii. Zusiidicabe lii ni na Biblia sin quíxeluʼ. Laaca zanda cheluʼ ca guendaridagulisaa ni rúnicabe ndaaniʼ ca Yoo stiʼ Reinu. Racá zadxaagaluʼ binni ni riuulaʼdxiʼ ne rusisaca gaca xhamigu Dios.a Chaahuiʼ chaahuiʼ zuni sentirluʼ ni biʼniʼ sentir salmista ni bicaa ca diidxaʼ riʼ: «Guizáʼ galán runeʼ sentir chuaaʼ gaxha de Dios» (Salmo 73:28).
a Pa racaláʼdxiluʼ guni estudiarluʼ Biblia o gannuʼ paraa nuu ti Yoo stiʼ Reinu jma gaxha de ra nabezuʼ la? guniʼné binni bisaanané lii revista riʼ o guyé lu sitiu ni nápadu lu Internet www.jw.org/zai. Bidii clic ra na «Bicaa ra nuudu», ni cá ra riluxe primé yaza stiʼ sitiu ca.