BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • w15 1/4 yaza 4-7
  • Ti cursu de Biblia para guiráʼ binni

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Ti cursu de Biblia para guiráʼ binni
  • Torre stiʼ ni rapa ni caníʼ de Reinu stiʼ Jiobá 2015
  • Subtítulo
  • Laaca zanda gúʼndaluʼ
  • CANI JMA RINABADIIDXAʼ BINNI DE CURSU RIʼ
  • ¿Ximodo runi estudiarné ca testigu stiʼ Jehová binni Biblia?
    Cani nabé rinabadiidxaʼ binni de ca testigu stiʼ Jehová
  • Tu zanda guicabi cani jma racalaʼdxiʼ binni ganna
    Tu zanda guicabi cani jma racalaʼdxiʼ binni ganna
  • ¿Ñee guyuuláʼdxiluʼ ni biziidiluʼ la?
    ¡Zanda guibániluʼ nayecheʼ! Bizulú biziidiʼ ni ná Biblia
  • Ñuláʼdxiluʼ niziidiluʼ jma de lu Biblia la?
    Ñuláʼdxiluʼ niziidiluʼ jma de lu Biblia la?
Biiyaʼ jma
Torre stiʼ ni rapa ni caníʼ de Reinu stiʼ Jiobá 2015
w15 1/4 yaza 4-7
Cursu de Biblia

CA TEMA NI ZEEDA LU CA PRIMÉ YAZA | ÑUULÁʼDXILUʼ ÑÁNNALUʼ XI RUSIIDIʼ BIBLIA LA?

Ti cursu de Biblia para guiráʼ binni

Nabé runibiáʼ binni laadu, ca testigu stiʼ Jiobá, purtiʼ rucheechedu diidxaʼ. Peru laaca racanedu binni guiene Biblia, ñee nannuʼ nga la?

Cayuni estudiar ti hombre Biblia ra runi dxiiñaʼ

Lu iza 2014 que, jma de 8,000,000 testigu stiʼ Jiobá, bidiicaʼ biaʼ 9,500,000 cursu de Biblia cada beeu ndaaniʼ 240 guidxi roʼ ne xcaadxi lugar.a Nuu biaʼ 140 guidxi roʼ ni qué gapa diʼ biaʼ guiráʼ binni ni cayuni estudiarné laadu.

Para ganda gusíʼdidu binni la? cada iza rúnidu biaʼ 1,500 millón de publicación —casi Biblia, libru, revista ne folletu— lu 700 idioma. Guiráʼ dxiiñaʼ rúnidu riʼ racaneni para ganda guiziidiʼ binni de Biblia lu diidxaʼ chuulaʼdxiʼ.

«Qué lica riuuladxeʼ guneʼ estudiar dxiqué, peru biaje riʼ huaxa guizáʼ guyuuladxeʼ ni. Nabé gucané ni biziideʼ riʼ naa.» (Katlego, Sudáfrica)

«Lu cursu que bicábicabe guiráʼ ni racaladxeʼ gannaʼ, ne laaca biziideruáʼ stale cosa.» (Berta, México)

«Laca naa nga gudixheʼ pora guni estudiardu ra lidxeʼ. ¡Xiruʼ ndiʼ zanda guinabaʼ pue!» (Eziquiel, Brasil)

«Rindaa ca clase que quince minutu o media hora; nuu dxi bindaa cani jma. Naa rinieeʼ pabiáʼ.» (Viniana, Australia)

«¡Nabé bidxagayaaʼ ora gunnaʼ qué riaxa saca cursu que!» (Aimé, Benín)

«Nabé nachaʼhuiʼ maestra stinneʼ ne qué niree gana... Guizáʼ guca xhamígadu.» (Karen, Irlanda del Norte)

«Stale binni runi estudiar Biblia, peru qué rácacaʼ testigu stiʼ Jiobá.» (Denton, Inglaterra)

CANI JMA RINABADIIDXAʼ BINNI DE CURSU RIʼ

Ximodo raca cursu riʼ

Riuundaʼ gadxé gadxé tema zeeda lu Biblia lu cursu riʼ. Ndiʼ nga caadxi de ca tema rusiene Biblia: tuu nga Dios, ximodo laabe, tu labe, paraa nuube ne pa zanda gaca xhamígunu laabe. Ca binni guicaa cursu riʼ, racanécabe laacaʼ gánnacaʼ xi textu riquiiñeʼ Biblia para guicabi cani gunabadiidxanu riʼ ne xcaadxi cosa ni racaláʼdxicaʼ gánnacaʼ.

Para gaca cursu riʼ riquiiñeʼ caadxi publicación casi libru Xipeʼ ndiʼ cusiidiʼ Biblia.b Guca libru riʼ para gacaneni binni guiziidiʼ ca cosa ni jma naquiiñeʼ ganna de Biblia. Nápani capítulo ni cusiidiʼ de Dios, de Jesucristu, ni cusiene xiñee racananu, xiñee rati binni, ximodo guni orarnu ne xcaadxi tema.

Paraa ne padxí rudiicabe clase

Lii guiniʼluʼ paraa ne padxí gusiidicabe lii.

Pabiáʼ rindaa cada clase

Lii quíxheluʼ pabiáʼ. Zúnidu ni guinabuʼ laadu. Stale binni riguixhe guʼndanécabe laa biaʼ ti hora cada semana. Peru xcaadxi runi estudiar biaʼ chii o quince minutu si.

Pagala riguixe binni

Nin ti de gaayuʼ. Ca clase rudiʼdu ne ca libru o folletu ni riquiiñedu, qué riguixe binni pur laacani. Jesús peʼ gudxi ca discípulo stiʼ: «Qué niguixe tu saca gudixhe irá ndi lu ná tu guni tu. Yanna laguni cani sin guiaxa tu» (Mateo 10:8).

Pabiáʼ rindaa cursu riʼ

Biaʼ tiempu gacalaʼdxuʼ. Napa libru Xipeʼ ndiʼ cusiidiʼ Biblia 19 capítulo. Zanda guʼndanécabe lii guiráʼ tema chuulaʼdxuʼ ne biaʼ naluʼ.

Ñee naquiiñeʼ gaca binni testigu stiʼ Jiobá la?

Coʼ. Runi respetardu binni ora guiníʼ napa derechu para guni cré ni gacalaʼdxiʼ. Peru, ora gunibiáʼ chaahuiʼ binni xi rusiidiʼ Biblia la? racaneni laa ganna xi guni cré.

Ximodo gannaʼ jma de laatu

Lu sitiu jw.org/zai ni nápadu lu Internet, zadxeʼluʼ xipeʼ nga runi credu ne ximodo rúnidu dxiiñaʼ.

Paraa ricá lá binni

  • Nuu stale modo guinabaʼ binni ti cursu de Biblia: pur Internet, pur carta o pur teléfono

    Zanda guinabuʼ chigánnacabe lii pa guchaluʼ formulariu ni guʼyuʼ lu sitiu jw.org/zai.

  • Laaca zanda gucaaluʼ ra nuu tobi de ca dirección ni zeeda lu guiropa yaza stiʼ revista riʼ.

  • Laaca zanda guyubuʼ lá ca testigu stiʼ Jiobá ni nabeza gaxha de ra liʼdxuʼ lu directorio stiʼ teléfono ne guiníʼneluʼ laacaʼ.

a Nuu lugar ra ricaa binni cursu riʼ pur grupu.

b Ni biʼniʼ ca testigu stiʼ Jiobá. Napa libru riʼ 224 yaza ne maʼ guca imprimir jma de 230 millón de laani lu jma de 260 idioma.

RACANENI FAMILIA

Eziquiel

«Nabé bichaa xheelaʼ dxi maʼ cayuni estudiar Biblia. Nabé gucaneni familia stidu. Cumu rapaʼ gana guuyaʼ xii ngue caziidibe la? bicaani naa guneʼ estudiar. Cani biziideʼ que gucanécani naa gacaʼ ti binni nachaʼhuiʼ. Maʼ nuu familia stidu tobi si purtiʼ runi estudiardu Biblia.» (Eziquiel)

Karen

«Dxi maʼ cayuneʼ estudiar Biblia la? bisaanaʼ viciu de cubaʼ droga, maʼ qué nixudxeʼ ne gucaneni naa para cadi guidxiicheʼ nagueenda. Yanna jma maʼ nayá nuu ra lidxeʼ ne maʼ nexheʼ chaahuiʼ guiráʼ ni nápadu. Ne jma maʼ nadxieeʼ familia stinneʼ ne riuuladxeʼ guneʼ stale cosa pur laacaʼ. Yanna huaxa dxandíʼ maʼ nuaaʼ nayecheʼ.» (Karen)

Viniana

«Biʼniʼ burla stale binni naa dxi maʼ cayuneʼ estudiar Biblia. Peru nabé gucané xheelaʼ naa. Rábibe naa: “Qué rizaaladxeʼ ni riníʼ binni. Ni rusiecheʼ naa nga guuyaʼ nabániluʼ galán. Cadi guireeluʼ gana”. Qué huayuu dxi chuʼ familia stidu nayecheʼ casi nuudu yanna.» (Viniana)

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir