Ñuláʼdxiluʼ niziidiluʼ jma de lu Biblia la?
Xiñee gúʼndaluʼ Biblia
NDAANIʼ BIBLIA nuu ca ley sicarú stiʼ Dios, nga runi ni gadxé de guiráʼ libru ni nuu (1 Tesalonicenses 2:13). Pa guʼnuʼ cani rusiidiʼ Biblia la? stale ni zabeenduluʼ. Jma zanaxhiiluʼ Dios ne zadxíñaluʼ gaxha de laabe, laabe nga Rudiibe «irá ni nachaʼhui ne irá ni dxandí sicarú reeda de ibáʼ» (Santiago 1:17). Zaziidiluʼ guni orarluʼ laabe ne ora tiidiluʼ ra nagana zuuyuʼ zacanebe lii. Ne pa guibániluʼ modo na Biblia la? Dios zudii lii guendanabani ni qué ziuu dxi guiluxe (Romanos 6:23).
Lu Biblia zeeda stale ni dxandíʼ ni racané laanu guiénenu stale cosa. Cani riziidiʼ de laani rixelecaʼ de stale ni cadi dxandíʼ ni nuseeguʼ guendanabani stiʼ stale binni. Casi ora maʼ gánnanu xipeʼ nga raca binni ni maʼ guti la? maʼ qué zadxíbinu pa gueeda guniná ca gueʼtuʼ ca laanu, o maʼ qué zaguu xaíquenu pa cayacaná ca binnilídxinu o ca xhamígunu ni maʼ guti (Ezequiel 18:4). Biblia rusiidiʼ zabani ca gueʼtuʼ ca, nga riguixhedxí ladxidóʼ cani maʼ guti binnilidxi (Juan 11:25). Ne ora guizíʼdinu ni dxandíʼ de ca ángel malu ca, maʼ zánnanu runiná brujería binni, ne racaneni laanu guiénenu xiñee nuu stale guendanagana ndaaniʼ guidxilayú riʼ.
Ca conseju ni zeeda lu Biblia rusiidiʼ cani laanu ximodo guibáninu para cheni laanu jneza. Casi binni ni «ganna ucueeza laa» la? racané ni chuʼ jma nazaaca (1 Timoteo 3:2). Pa «usiá nu laanu de irá ni runi dxaba xcuerpu nu ne espíritu stinu» la? maʼ qué zuni huaranu laca laanu (2 Corintios 7:1). Binni ni rinanda ca conseju stiʼ Dios ni cá lu Biblia laaca rápacaʼ guendanayecheʼ lu guendaxheelaʼ, ne rápacaʼ respetu laca laacaʼ (1 Corintios 6:18).
Pa lii guibániluʼ casi modo na lu Stiidxaʼ Dios la? ziuuluʼ jma nayecheʼ. Ora gánnaluʼ de cani zeeda lu Biblia, zapuʼ guendariuudxidoʼ, guendanayecheʼ ne zucaa cani lii cuézaluʼ cani sicarú chigueedané Dios. Zusiidini lii guialuʼ binni, ganaxhiiluʼ, chuʼluʼ nayecheʼ, gápaluʼ guendariuudxi, gácaluʼ nachaʼhuiʼ, gápaluʼ fe, ne xcaadxi guenda ni ziulaʼdxiʼ binni, ne zacané ni lii gácaluʼ nachaʼhuiʼ ne bixhózeluʼ ne jñaaluʼ, ne pa maʼ bichaganaluʼ la? gácaluʼ nachaʼhuiʼ ne xheelaluʼ ne ca xiiñiluʼ (Gálatas 5:22, 23; Efesios 4:24, 32).
Maʼ huanabadiidxaluʼ laca lii xi cabeza laanu la? Ca diidxariguixhená ni cá lu Biblia culuíʼ cani laanu xii ndiʼ ca dxi nabáninu. Cadi culuíʼ si ni modo nuu yanna, laaca caniʼni mayaca chiguni Dios Guidxilayú riʼ ti paraísu (Apocalipsis 21:3, 4).
Ni zacané lii para guiéneluʼ Biblia
Zándaca maʼ bíʼniluʼ stipa pur gúʼndaluʼ Biblia, peru guca nagana para lii guiéneluʼ ni. Zándaca qué gannuʼ ximodo guidxeʼluʼ cani huanabadiidxaluʼ laca lii luni. Cadi guireeluʼ gana, cadi lii si nga nuuluʼ zacá. Guiranu caquiiñenu gacanécabe laanu para guiénenu Stiidxaʼ Dios. Ca testigu stiʼ Jiobá rusiidicaʼ stale binni lu 235 guidxi roʼ, ne laaca ziuláʼdxicabe gacanécabe lii sin quíxeluʼ laacabe.
Para guzulú guiziidiluʼ de Biblia la? riquiiñeʼ guzululuʼ ne cani cadi nagana zeeda luni (Hebreos 6:1). Laga ziguiziidiluʼ jma la? jma nagueenda ziéneluʼ cani nagana zeeda ndaaniʼ Biblia, ni zeeda gaca casi «gueta» roʼ binni huaniisi (Hebreos 5:14). Ndaaniʼ libru ra riree guiráʼ ni rusíʼdidu nga Biblia, peru nuu xcaadxi guiʼchiʼ ni rusiidiʼ de laani casi folletu Xi canabaʼ Dios lii guʼnuʼ, zacané cani lii guieʼnuʼ cani zeeda ndaaniʼ ni.
Ñuláʼdxiluʼ nibeeluʼ tiempu guiráʼ semana para gúʼndaluʼ Biblia la?
Rusiidicabe binni ora naʼ ne ratiica naʼ. Stale binni ruundanécabe laa Biblia ra lidxi. Nuu tu laa rusiidicabe pur teléfono. Cadi stale diʼ binni nga riuu ora rusiidicabe, ne biaʼ randa riene binni nga rusiidicabe. Qué rácadiʼ examen ne qué zusituídicabe luluʼ. Zacábicabe lii guiráʼ ni guinabadiidxaluʼ de Biblia ne zaziidiluʼ ximodo zanda guidxíñaluʼ Dios.
Qué zaguíxediluʼ para guiziidiluʼ de Biblia (Mateo 10:8). Pa rie binni lade ti religión o qué rie peru dxandipeʼ racalaʼdxiʼ guiziidiʼ de Stiidxaʼ Dios la? zanda guiziidiʼ sin quixe.
Tu guiráʼ ndiʼ zanda guiziidiʼ yaʼ. Guiráʼ ca binnilídxiluʼ ne ca xhamíguluʼ ni guni invitarluʼ, o lii si pa naluʼ.
Stale tu ribee ti hora guiráʼ semana para guʼndaʼ Biblia. Peru pa nápaluʼ jma tiempu o pa qué gápaluʼ la? ca Testigu zúnicaʼ stipa para gacanecaʼ lii.
Cayuni invitardu lii para guiziidiluʼ
Cayuni invitardu lii guiníʼneluʼ ca testigu stiʼ Jiobá. Zanda guʼnuʼ ni pa gucaaluʼ ra nuu tobi de ca neza ni cá xagueteʼ riʼ. Laacabe zuyúbicabe tuuxa cheʼ dede ra lídxiluʼ para gusiidiʼ lii sin quíxeluʼ laa.
□ Laguseendaʼ ra nuaa guiʼchiʼ ni láʼ Xi canabaʼ Dios lii guʼnuʼ
Bicaa xi diidxaʼ.
□ Racalaʼdxeʼ gábitu naa ximodo rusiiditu binni dede ra lidxi sin quixe.