Ximodo zanda gusaananu rebista

15 stiʼ agosto

«Ca dxi stinu riʼ, stale binni ruyubi conseju iráʼ ladu para guendaxheelaʼ ne para usiinisi ca xiiniʼ. Paraa nga raʼbuʼ lii zanda idxélanu conseju ni jma galán yaʼ. [Guleza icábibe.] Rebista La Atalaya riʼ cudiini caadxi conseju galán ni bidii Dios ni bizáʼ laanu ne zaquiiñeʼ cani laanu ti ibani binnilídxinu nayecheʼ.» Biindaʼ 2 Timoteo 3:16, 17.

22 stiʼ agosto

«Ñee raʼbuʼ galán nga uguuruaa bixhoze binni lu xquendanabani ca xiiñiʼ la? [Guleza icábibe.] Rebista ¡Despertad! riʼ cusiene xi guendanagana nga ni jma rihuinni ora riaadxaʼ bixhoze binni. Laaca cusiene ni ximodo zanda acanécabe ca xiiñicabe ti iniisicaʼ galán.» Biindaʼ Efesios 6:4.

1 stiʼ sept.

«Iranu racaláʼdxinu chuʼnu nayecheʼ. Ñee raʼbuʼ zanda acané cani cá raríʼ lii chuʼluʼ nayecheʼ la? [Biindaʼ Mateo 5:4a, 6a, 10a. De racá guleza icábibe.] Rebista riʼ cusiene ni xi riníʼ ca diidxaʼ ni nabé runibiáʼ binni ni uníʼ Jesús lu Libana de lu Dani (Sermón del Monte), ne rusiidiʼ ni xi caquiiñeʼ binni ti ganda ibani nayecheʼ.»

8 stiʼ sept.

«Nácabe de que 1 de cada 4 binni zándaca ziuu dxi guniti xquendabiaani. Zándaca iranu runibiaʼnu tuuxa binni huará sicaríʼ. [Bixhele rebista ca.] Rebista riʼ cudii caadxi conseju galán ni zacané laanu pa tobi de ca binnilídxinu gueeda gapa clase guendahuará ca.»