Ximodo zanda usaananu revista

15 stiʼ agosto

«Ora gati tuuxa, stale tu rinabadiidxaʼ xi rizaaca binni ora maʼ guti. Ñee raʼbuʼ zanda gánnanu ni la? [Uleza icábibe.] Revista riʼ cusiéneni ximodo ndiʼ nuu ca gueʼtuʼ ca casi modo riníʼ Biblia. Ne laaca caniʼni ni maʼ bizabiruaa Dios de indísabe ca binnilídxinu ni maʼ guti.» Biindaʼ Juan 5:28, 29.

22 stiʼ agosto

«Ñee nánnaluʼ nuu stale lugar ra nabé rié binni rizá ne nga racaneni ca binni nabeza ca lugar ca gápacaʼ dxiiñaʼ la? [Uleza icábibe.] Ora rizá binni ca lugar riʼ racaneni ca binni ca peru laaca redaneni endanagana. Revista riʼ culuiʼni paraa racaneni binni ne paraa coʼ, ne laaca cayabi ni laanu xi zanda gúninu ora chizanu sti guidxi.»

1 stiʼ sept.

«Nabé nga riuláʼdxicabe ca binni ni qué rusaana ca xhamigu, peru yanna riʼ huaxiéʼ si tu runi zacá. Ñee cadi izáʼ galán nga ñuu jma binni casi ni rieeteʼ lu textu riʼ la? [Biindaʼ Proverbios 17:17, ne uleza icábibe.] Revista riʼ cusiéneni xi zabeendunu pa ácanu binni ni qué rusaana binnilidxi ne ca xhamigu.»

8 stiʼ sept.

«Zándaca ridxaagayaluʼ modo runi cani bizáʼ Dios ca dxiiñaʼ tobi si [bizeeteʼ xiixa ni rieeteʼ lu revista ca]. Ñee cadi dxandíʼ racaná ladxidoʼno ora gúʼyanu qué randa runi binni dxiiñaʼ zacá la? [Uleza icábibe.] Revista riʼ cusiéneni mayaca zeedané Dios endariuudxi lu Guidxilayú riʼ ne laacaʼ cusiéneni zacanebe binni guni dxiiñaʼ tobi si.» Biindaʼ Isaías 11:9.