Naquiiñeʼ guni respetarnu modo runi mandar Jiobá

Xi riníʼ íqueluʼ ora gunadiágaluʼ de Coré, Datán ne Abiram, ca hombre ni guyuu dxiqué yaʼ. De que bicaalúcabe la? Zándaca. Rietenalaʼdxuʼ xi bicaalúcabe la? Bicaalúcabe modo runi mandar Dios. Ndaaniʼ Biblia, lu capítulo 16 stiʼ Números cá xi iráʼ ni cadi jneza bíʼnicabe, ne ra cá «Sumisión leal a la autoridad divina» ni zeeda lu La Atalaya 1 stiʼ agosto 2002 culuíʼ stale de cani bizaaca ca. Galán nga gúʼndaluʼ iráʼ ni cá raríʼ ante gúʼyaluʼ bideu Respetemos la autoridad de Jehová ra zaziidiluʼ stale. Luni zuuyaluʼ modo bicaalú ca xiiñi Coré laa purtiʼ bicaalube Dios ni runi mandar idubi naca ibáʼ ne Guidxilayú (Núm. 26:9-11). Ni bizaaca riʼ naquiiñeʼ acaneni laanu para cadi liica usaananu Jiobá.

Ora maʼ cayuuyaluʼ bideu ca la? biiyaʼ paraa iráʼ biluíʼ Coré ne ca xcompañeru de que cusaanacaʼ Jiobá, ti icábiluʼ cani zeeda raríʼ: 1) Ximodo biluíʼcabe qué gápacabe respetu modo runi mandar Dios. 2) Ximodo ndiʼ bidiicabe lugar de que endanaróʼ, endarachelú ne xiana ni gúpacabe que uchaa modo laacabe. 3) Ximodo ndiʼ nabé biiyadxícabe ra bichee si ca hombre ni ulí Jiobá para sániruʼ ládecabe. 4) Ximodo nga nabé uca quejárcabe. 5) Xiñee qué ñuucabe nayecheʼ ne ca guenda ni ucuaacabe. 6) Ximodo nga bisaanacabe Dios ne jma bisisácacabe ca xhamígucabe ne ca binnilídxicabe.

Biiyaʼ ximodo zanda iquiiñeʼ ni bizaaca riʼ laanu modo rúʼyanu laapenu modo runi mandar Jiobá yanna: 1) Ximodo naquiiñeʼ gúʼyanu cani iníʼ ca binnigola ni nuu ra ridagulisaanu ca aca, ne xiñee. 2) Pa iníʼ íquenu xiixa ni cadi jneza, ximodo zanda cueenu ni ndaaniʼ íquenu. 3) Cumu binni ruchee laanu la? xi naquiiñeʼ iníʼ íquenu de ca binnigola ni zaniruʼ ládenu. 4) Xi naquiiñeʼ gúninu pa málasi ucaa ladxidoʼno laanu aca quejarnu yaʼ. 5) Ximodo naquiiñeʼ guni sentirnu ne ca guenda ni nápanu yaʼ. 6) Tuu ndiʼ cani cadi naquiiñeʼ usisácanu para cadi usaananu Dios, ne pora ndiʼ zándaca gueeda aca ni nagana para laanu.

Iluxe gúʼndasitu cani zeeda raríʼ ra ridagulisaatu la? xiñee qué gúʼyaluʼ bideu ca sti biaje. Zacá la? qué liica ziaandaʼ lii xiñee nga naquiiñeʼ guni respetarnu modo runi mandar Jiobá (Sal. 18:25; 37:28).