PARA IQUIIÑEʼ
Caadxi modo ni zanda iquiiñeʼ para ucheechenu diidxaʼ
Acerquémonos a Jehová
«Stale binni ni runi cré Dios la? ñulaʼdxiʼ ñuu jma gaxha de laabe. Ñee nannuʼ de que Dios cayabi laanu idxíñanu gaxha de laa la? [Biindaʼ Santiago 4:8.] Libru riʼ úcani para acaneni binni iquiiñeʼ Biblia stiʼ ti idxiña jma gaxha de Dios.» Biindaʼ primé párrafo stiʼ yaza 16.
«Yanna riʼ nabé nuu stale endaquéruni jneza. Cayaca casi na raríʼ [biindaʼ lu iropa ndaa stiʼ Eclesiastés 8:9]. Stale binni rinabadiidxaʼ laca laa pa rizalaʼdxiʼ Dios cani cayaca ca [biindaʼ iropaʼ oración stiʼ párrafo 4 ni cá lu yaza 116]. Capítulo riʼ cusiene xiñee yanna si nga cudii Dios lugar aca ca endaquéruni jneza ca.»
¿Existe un Creador que se interese por nosotros?
«Paraa zanda idxélanu conseju jma galán ti ganda guni chaahuinu ca endanagana jma naroʼbaʼ ni rápanu ca yaʼ. [Uleza icábibe. De racá biindaʼ Mateo 7:28, 29.] Ni bíʼndanu riʼ cusihuinni ximodo biiyaʼ binni Libana de lu Dani ni bidii Jesús que. Biiyaʼ xi na caadxi binni [uníʼ caadxi de ni zeeda lu yaza 152.] Capítulo riʼ caníʼ modo bibani Jesús ne cani bisiidibe.»
«Maʼ huanabadiidxaluʼ laca lii pa zuni Dios xiixa para cuee iráʼ endananá ne iráʼ ni cadi jneza nuu lu Guidxilayú riʼ la? [Uleza icábibe. De racá biindaʼ Apocalipsis 21:3, 4.] Libru riʼ cusiene xi chiguni Dios para cuee iráʼ endananá ne iráʼ ni runi huará binni.» Biluíʼ capítulo 10 stiʼ libru ca.
¡Manténgase alerta!
«Stale binni nuu xizaa runi iráʼ ca endaridinde ne pur iráʼ cosa malu ni ruchibi laacaʼ yanna [bizeeteʼ xiixa ni nánnacabe uca neza ra lídxitu]. Ñee nannuʼ de que laacani nga caadxi de ca seña ni rusihuinni de que mayaca chiguni mandar gobiernu stiʼ Dios lu Guidxilayú riʼ la? [Uleza icábibe. De racá biindaʼ ti textu ni caníʼ de laani, casi Mateo 24:3, 7, 8; Lucas 21:7, 10, 11, o 2 Timoteo 3:1-5.] Folletu riʼ cusiene xiñee nga risaca gatananu para gánnanu xi pur cayaca iráʼ ni cayúʼyanu yanna riʼ.»
«Stale binni cayacaná pur iráʼ cosa malu cayaca yanna riʼ o pur xiixa ni bizaacacaʼ. Nuu tu laa rinabadiidxaʼ xiñee qué guni Dios xiixa para ucueeza cani. Biblia dxandipeʼ cayabi laanu ni mayaca chiguni Dios para cuee iráʼ endananá ni napa binni [biindaʼ Apocalipsis 14:6, 7]. Biiyaʼ xi zaca despué de guni juzgar Dios binni [biindaʼ 2 Pedro 3:10, 13]. Folletu riʼ cusiéneruʼ jma de ni caninu ca.
El conocimiento que lleva a vida eterna
«Pa ñuu tu ñabi lii nindézalu ti lugar sicarú casi rihuinni raríʼ, ñee ninaluʼ la? [Biluíʼ dibuju stiʼ yaza 4 ne 5, ne uleza icábibe.] Biiyaʼ xi na Stiidxaʼ Dios caquiiñeʼ aca ti ganda ibáninu nayecheʼ sin qué chuʼ dxi gátinu ndaaniʼ Guidxilayú riʼ casi rihuinni raríʼ [biindaʼ Juan 17:3]. Libru riʼ zacané lii iziidiluʼ ni caquiiñeʼ para ugaandaluʼ endanabani ni qué zaluxe.» Gudxi laabe de que sti biaje cheluʼ ca zuundatu gaayuʼ párrafo ni nuu ra ruzulú capítulo ca.
Bixhele libru ca lu yaza 188 ne 189 ra rihuinni ca dibuju ca, ne biquiiñeʼ ca letra yaasehuiiniʼ stini para inabadiidxaluʼ: «Ñee ribézaluʼ ibániluʼ ndaaniʼ Paraísu riʼ ora maʼ iráʼ binni gunibiáʼ Dios la? [Uleza icábibe. De racá biindaʼ Isaías 11:9.] Libru riʼ zacané lii gannuʼ xi caníʼ Biblia de Paraísu ca ne xi naquiiñeʼ gúninu ti chuʼnu racá». Uníʼ de que sti biaje cheluʼ ca zuundatu ca párrafo 11 dede 16 stiʼ primé capítulo ca.
Aprendamos del Gran Maestro
«Ñee raʼbuʼ jma galán nibani binni yanna pa iráʼ ninanda conseju riʼ la? [Biindaʼ primé ndaa si stiʼ Mateo 7:12. De racá uleza icábibe.] Lu libru riʼ zeeda stale de ni bisiidiʼ maestru ni jma nanna usiidiʼ ni huabani ndaaniʼ Guidxilayú riʼ.» Biluíʼ ca dibuju ni cá lu capítulo 17 ne biindaʼ ca letra yasehuiiniʼ stini.
«Stale binni runi stipa pur usiidiʼ xiiñiʼ guni ni jneza. Ñee raʼbuʼ risaca nga la? [Uleza icábibe. De racá biindaʼ Proverbios 22:6.] Racá ridúʼyanu de que Biblia rucaani binni usiidiʼ ca xiiñiʼ dede ora nahuiinirucaʼ. Libru riʼ para ngapeʼ úcani.» Biluíʼ ca dibuju ni cá lu capítulo 15 o 18 ne biindaʼ ca letra yasehuiiniʼ stini.
«Stale biaje nabé ridxagayaa binni cani rinabadiidxaʼ xiiñicaʼ laacaʼ. Ne nuu cani nagana para icábicabe, ñee cadi dxandíʼ nga la? [Uleza icábibe. De racá biindaʼ Efesios 6:4.] Libru riʼ zanda acaneni binni ti ganda icábicaʼ jneza ni inabadiidxaʼ xiiñicaʼ laacaʼ.» Biluíʼ laabe chupa chonna dibuju ni cá lu capítulo 11 ne 12 o 34 dede 36 ne biindaʼ ca letra yasehuiiniʼ stiʼ cani.
La vida... ¿cómo se presentó aquí? ¿Por evolución, o por creación?
«Iranu riuʼnuʼ xizaa pur endarucheené ley ne endaridinde ni nuu neza ra lídxinu. Ñee raʼbuʼ nuu tu laa zanda cuee cani la? [Uleza icábibe.] Dios zanda cuee cani.» Bixhele libru ca lu yaza 196; biindaʼ Proverbios 2:21, 22 casi modo cá ni lu párrafo 19 ne bisiene ni. Biluíʼ laabe xi láʼ capítulo 16 stiʼ libru ca ne gudxi laabe pa ziaananebe ni.
Bixhele lu yaza 6 stiʼ libru ca ne uníʼ: «Stale binni runi cré de que Guidxilayú stinu riʼ ne iráʼ ni nabani luni málasi uyuu cani. Ximodo raʼbuʼ ñanda nusiénecabe jma jneza modo beeda iráʼ ni ridúʼyanu yaʼ. [Uleza icábibe.] Nuu stale razón ni rusihuinni dxandíʼ ni na Biblia, de que ti Dios ni nandxóʼ nga Bizáʼ laanu ne nadxii laanu stale. Laabe nga Dios ni dxandíʼ, ne labe nga Jiobá». Biindaʼ Salmo 83:18, bisiene ne huaxiéʼ diidxaʼ de que Dios naguixhe ique guni Guidxilayú riʼ ti paraísu.
El hombre en busca de Dios
«Ne iráʼ ca religión nuu yanna riʼ, ñee maʼ huanabadiidxaluʼ laca lii ximodo zanda gánnanu unáʼ nga ni ruuyaʼ Dios jneza modo runi adorarcaʼ laabe la?» Despué de icábibe la? bixhele libru ca lu yaza 377, uníʼ ni cá lu númeru 7 stiʼ cuadru ca ne unabadiidxaʼ laabe pa riníʼ íquebe de que religión ni dxandíʼ ca naquiiñeʼ ucaani binni de iráʼ raza chuʼcaʼ tobi si. Biyubi tobi de ca textu ni zeeda racá, ne pa udii tiempu la? uníʼ de xcaadxi ni zeeda ndaaniʼ cuadru ca. Pa usihuínnibe de que dxandíʼ riuláʼdxibe iziidibe jma la? bisaanané laabe libru ca. Ante cheluʼ la? unabadiidxaʼ laabe: «Ximodo raʼbuʼ zucaa religión ni dxandíʼ ca binni ibani yaʼ». Gudxi laabe de que zabiguétaluʼ para icábiluʼ ni laabe.
Pa binni ni caníʼneluʼ ca iníʼ de que nuu lade ti religión ni jma napa binni la? zanda iniʼluʼ: «Galán nga gunibiaʼnu binni de sti religión. Maʼ iráʼ clase modo huayubi binni Dios [pa guʼyuʼ zanda la? biindaʼ Hechos 17:26, 27]. Binni maʼ biaa chinanda religión ni bisaanané bixhoze laa [biindaʼ párrafo 12 stiʼ yaza 8]. Gunibiaʼnu xcaadxi religión racané ni laanu gánnanu jma de laaca ni. Libru riʼ cusiene paraa biasastí cani, xi rucaa cani binni guni ne xii nga cani rusiidiʼ ca religión ni jma napa binni lu Guidxilayú riʼ». Biluíʼ ti ejemplu ni zeeda lu libru ca de religión ra rié binni ni caníʼneluʼ ca, casi cá lu ca yaza riʼ: sikhismo (100, 101); hinduismo (116, 117); budismo (141); taoísmo (164-166); confucianismo (177); sintoísmo (190-195); judaísmo (220, 221); islam (289).
Apocalipsis... ¡se acerca su magnífica culminación!
«Zándaca maʼ huayunadiágaluʼ caníʼcabe de [bizeeteʼ xiixa ni bizaaca]. Ora izaaca xiixa ra guti tuuxa binni la? stale tu rinabadiidxaʼ xi zanda acané ca binnilídxibe para tiidiʼ yuubaʼ sticaʼ. Xi raʼbuʼ yaʼ.» Uleza icábibe. De racá bixhele libru ca lu yaza 299 ne biluíʼ laabe dibuju ni rusihuinni ra cayasa ca gueʼtuʼ ca. Ne uniʼruʼ: «Stale tu ridxagayaa ora ganna de que ziasa binni nachaʼhuiʼ ne ni cadi nachaʼhuiʼ para ibánicaʼ ndaaniʼ Paraísu chigaca lu Guidxilayú riʼ [biindaʼ Hechos 24:15 casi modo cá ni lu párrafo 9 stiʼ yaza 297, de racá biindaʼ ni cusiene párrafo 10]. Libru riʼ cusiéneruʼ stale cosa ni galán chiguni Dios para binni despué».
La Biblia... ¿la Palabra de Dios, o palabra del hombre?
«Iranu ridxagalunu endanagana naroʼbaʼ ca dxi riʼ. Stale tu ruyubi ca binni ni rudii conseju ca ti usiénecaʼ laacabe. Nuu tu laa rié ra nuu bruju. Paraa raʼbuʼ zanda idxélanu conseju galán ni dxandíʼ acané laanu yaʼ. [Uleza icábibe.] Biblia cusiene ti cosa ni risaca ni naquiiñeʼ gánnanu iranu [biindaʼ 2 Timoteo 3:16. De racá bixhele libru ca lu yaza 187 ne biindaʼ párrafo 9]. Libru riʼ cusihuinni de que ora chinanda binni ca conseju ni zeeda lu Biblia la? ribeenducaʼ stale ni galán.»
El hombre más grande de todos los tiempos
«Yanna riʼ nabé stale binni rietenalaʼdxiʼ Jesús. Peru, cayaca stale cosa malu yanna lu Guidxilayú riʼ dede nuu tu laa rinabadiidxaʼ pa dxandíʼ rizaláʼdxibe laanu. Xi raʼbuʼ yaʼ.» Uleza icábibe. Bixhele lu capítulo 24 stiʼ libru ca ne bisiene ne huaxiéʼ diidxaʼ xiñee beeda Jesús ndaaniʼ Guidxilayú riʼ. Despué biindaʼ Juan 15:13, ne uníʼ pabiáʼ nga naroʼbaʼ endarannaxhii napa Jesús iráʼ binni.
«Ora riníʼcabe de Jesucristu la? stale binni reedasilú laa laabe casi ti baʼduhuiiniʼ o casi ti hombre ni cayacaná. Ni nannasicabe de Jesús nga ora gúlebe ne ora gútibe. Qué rúnicabe iráʼ cosa galán ni bisiidibe ne ni bíʼnibe dxi bibánibe. Iráʼ ni bíʼnibe racaneni iráʼ binni ni huabani lu Guidxilayú riʼ. Nga runi, riquiiñeʼ izíʼdinu de iráʼ cosa galán ni bíʼnibe pur laanu.» Biindaʼ Juan 17:3. Biluíʼ primé yaza ra ruzulú libru ca ne biindaʼ idapa párrafo ca.
Xi canabaʼ Dios lii guʼnuʼ
«Ñee raʼbuʼ de que ucalaʼdxiʼ Dios ibáninu ne stale endanagana casi modo nuunu yanna riʼ la? [Uleza icábibe. De racá biindaʼ Mateo 6:10.] Ñee maʼ huayuu dxi iníʼ íqueluʼ xipeʼ nga Reinu stiʼ Dios la?» Biyubi ndaa 6 stiʼ folletu ca ne biindaʼ ca endarinabadiidxaʼ cá ra ruzulú ni. Bizulú biindané laabe ndaa ca o udixhe padxí ibiguétaluʼ sti biaje para gúʼndatu ni.
«Nécapeʼ maʼ nuu stale cosa ni galán yanna para ibani binni la? endahuará ne endaguti ca cayuninaruʼ cani binni. Ñee nannuʼ xi chiguni Jesús pur cani huará, pur ca binni maʼ nagola ne pur ca binni maʼ guti la?» Uleza icábibe. Pa riuláʼdxibe gánnabe ni unabadiidxuʼ laabe la? bixhele folletu ca lu 5 ndaa ne biindaʼ cani canabadiidxaʼ ca párrafo 5 ne 6. Bisiene ca párrafo ca o udixhe padxí ibiguétaluʼ sti biaje para gúʼndatu cani.
Adoremos al único Dios verdadero
«Paraa raʼbuʼ zanda idxélanu ni acané laanu ti ganda udxiilunu ca endanagana ni rápanu yaʼ. [Uleza icábibe. De racá biindaʼ Romanos 15:4.] Biiyaʼ de que Stiidxaʼ Dios rudii conseju laanu, racané chuʼdxí ladxidoʼno ne caníʼ xi cabeza laanu, ne iráʼ ca nga rudii cani stipa laanu para udxiilunu ca endadagana rápanu. Libru riʼ cudii stale conseju ni zanda acané laanu ti cueendunu stale ni galán ora gúʼndanu Biblia.» Uníʼ de idapaʼ númeru ni zeeda lu cuadru stiʼ yaza 30.
«Dede dxi beeda Jesús lu Guidxilayú riʼ la? stale binni huanabaʼ gueeda Reinu stiʼ Dios. Ñee maʼ huanabadiidxaluʼ laca lii xi chiguni Reinu ca para binni la? [Uleza icábibe. De racá biindaʼ Daniel 2:44.] Libru riʼ cusiene xii nga Reinu stiʼ Dios, xi chiguni ni ne ximodo zanda icaanu ndaayaʼ stiʼ gobiernu chaʼhuiʼ ca.» Uníʼ de ca dibuju ni cá lu ca yaza 92 ne 93.
[Blurb on page 3]
Ca modo zeeda raríʼ zacané cani lii chuʼluʼ listu ti ganda usaanaluʼ libru o folletu ni iquiiñeluʼ.