Xi racaláʼdxiluʼ gunineluʼ xquendanabániluʼ
1 Ora nahuiiniʼ binni nabé rinabadiidxacabe laa sicaríʼ: «Tu racaláʼdxiluʼ gácaluʼ ora guiniisiluʼ». Dxi jma nahuiiniluʼ, pa hombre huiiniʼ lii, ñee guníʼ íqueluʼ gápaluʼ stale yuze la? o guníʼ íqueluʼ gácaluʼ ti bomberu, o ti binnigola ni riganna ca binni ridagulisaa. Pa dxaapahuiiniʼ lii, ñee guníʼ íqueluʼ gácaluʼ ti artista ni ruyaa la? o guníʼ íqueluʼ gácaluʼ ti enfermera o ti misionera. Yanna cumu maʼ huaniisiluʼ la? naquiiñeʼ guinabadiidxaluʼ laaca lii: «Xi racalaʼdxeʼ guneniáʼ xquendanabaneʼ yaʼ». Ñee maʼ nannuʼ xi guʼnuʼ la?
2 Xquidxi Jiobá maʼ gulee ti videu lu DVD ni zacané lii gannuʼ xi jma jneza guʼnuʼ. Videu ca lani: Los jóvenes preguntan... ¿Qué haré con mi vida? Rinábadu lii guʼyaʼ chaahuiluʼ ne guiníʼ ique chaahuiluʼ guiráʼ ni zeeda luni, biiyaʼ ni bizaaca ca, ne biiyaʼ ra caníʼ chupa chonna hombrehuiiniʼ ne dxaapahuiiniʼ xi bizaacacaʼ, ne xcaadxi cosa ni zeeda luni. Para gúʼyaluʼ xi guiráʼ zeeda lu videu ca biiyaʼ «Menú principal» stini.
3 Drama. Ora gúʼyaluʼ ni bizaaca ca gunabadiidxaʼ laaca lii: 1) Xi guendanagana bidxagalú Andy, cásica bidxagalú Timoteu hombrehuiiniʼ ni rieeteʼ ndaaniʼ Biblia (Hech. 16:1; 1 Tim. 4:8; 2 Tim. 1:5). 2) Ximodo bicaacabe Andy cadi gusaana de guxooñeʼ ti gaca tuuxa, ne tu bicaa laabe gúnibe ni. 3) Tu gucané Timoteu ne tu gucané Andy para bicaa íquecaʼ gácacaʼ tuuxa ndaaniʼ xquidxi Jiobá, ne ximodo bíʼnicabe para gucanécabe ca hombrehuiiniʼ ca (2 Tim. 1:1-4; 3:14, 15). 4) Ximodo gucané Mateo 6:24 ne Filipenses 3:8, Andy ne ximodo zanda gacané ca textu ca lii.
4 Selección de escenas. Gúʼyasitu ni bizaaca ca la? biiyaʼ ca ndaa riʼ ne bicabi ca guendarinabadiidxaʼ zeeda raríʼ. «Pablo y Timoteo»: Xi últimu conseju bidii Pablu Timoteu (2 Tim. 4:5). «Dar el máximo a Jehová»: Xi maʼ guníʼ íqueluʼ gúniluʼ ndaaniʼ xquidxi Dios. «La decisión de servir a Jehová»: Xi naquiiñeʼ gúninu para guibáninu nayecheʼ. «Palabras de la abuela»: Xiñee cadi jneza nga guiníʼ ique binni gaca tuuxa ndaaniʼ guidxilayú stiʼ Binidxabaʼ riʼ (Mat. 4:9). «No me arrepiento»: Xi zacané lii para ganda guibániluʼ nayecheʼ (Pro. 10:22).
5 Entrevistas. Ora gúʼyaluʼ cada ndaa stiʼ videu ca, zudiiluʼ cuenta xi caquiiñeʼ guʼnuʼ para gúniluʼ ni na Jiobá biaʼ gándatiʼ. 1) «¿Te dedicarás a Dios o a alcanzar metas sin valor?» (1 Juan 2:17.) 2) «Aprende a disfrutar del ministerio.» (Sal. 27:14.) 3) «Una puerta abierta al servicio de Jehová.» (Mat. 6:33.)
6 Al mirar atrás. Biiyaʼ pa zanda guicábiluʼ. 1) Xi dxiiñaʼ gudixhe ique hombre ne gunaa que gúnicaʼ ante gácacaʼ Testigu, ne xiñee. 2) Xi guiráʼ guleendúcabe. 3) Xi gucané laacabe para bichaacabe stale cosa lu xquendanabánicabe (2 Cor. 5:15). 4) Xi dxiiñaʼ stiʼ Jiobá bizulú bíʼnicabe ne bisaanacabe dxiiñaʼ ni bíʼnicabe dxiqué, ne xiñee bidiicabe cuenta qué zanda diʼ gúnicabe guiropa ni. 5) Ñee raca arrepentírcabe pur bisaanacabe dxiiñaʼ ni bíʼnicabe dxiqué la? 6) Xi guníʼ hombre ne gunaa riʼ ni bicaa lii guiníʼ íqueluʼ de xquendanabániluʼ.
7 Otras entrevistas. Xi biziidiluʼ lu cani bicábicabe ca ni rábiluʼ zacané lii gúniluʼ jma lu xhiiñaʼ Jiobá. 1) «La importancia del estudio personal.» 2) «Otras formas de dar testimonio.» 3) «Servicio de Betel.» 4) «La escuela misional de Galaad.» 5) «Escuela de Entrenamiento Ministerial.» (Biiyaʼ ra na «Índice de temas relacionados» ne biyubi gúʼndaluʼ de cani jma riuuláʼdxiluʼ gúniluʼ ndaaniʼ xquidxi Jiobá).
8 Ñee maʼ huaníʼ íqueluʼ xi gúniluʼ lu xquendanabániluʼ la? Pablu gudxi Timoteu ca diidxaʼ riʼ: «Bicaalaʼdxi guʼnu irá ni cayabe lii riʼ, de idubi ladxidóʼ loʼ, ti guʼya cabe ze dxi ziyene lu jma» (1 Tim. 4:15). Rinábadu lii gúniluʼ guiráʼ ni bicaadiágaluʼ ne guiráʼ ni biiyaluʼ lu DVD riʼ. Gunabaʼ gacané Jiobá lii ti guiráʼ ni gucaa íqueluʼ gúniluʼ ca gusiecheʼ cani lii yanna ne gacané cani lii chuʼluʼ nayecheʼ lu ca dxi ni zeeda ca.
[Box on page 10]
MENÚ PRINCIPAL
Ver drama
Escenas (11 ndaa)
Entrevistas
Ver todas
Secciones (3 ndaa)
Al mirar atrás...
Extras
Otras entrevistas
Índice de temas relacionados
Subtítulos
Para sordos
Ninguno
Para ganda iquiiñeluʼ menú stiʼ videu ca la? biquiiñeʼ ca botón riʼ Más ▶, ◀ Volver ne Menú principal.