Ni chitiidiʼ lu dxi bibí para guidagulisaanu

Pa unadiáganu xiixa o tuuxa caníʼ de que chiguiree guiiguʼ ne cadi gúninu gastiʼ la? zándaca izaacanu xiixa. Peru jma nga risaca chinándanu neza cudii Jiobá laanu. Ne ndiʼ nga chiguieeteʼ lu dxi bibí para guidagulisaanu stiʼ iza dxiiñaʼ 2005. Chiguiree lani: «Presten atención a cómo escuchan» (Luc. 8:18).

Lu primé libana gudii bíchinu ni chiganna laanu la? zuziénebe ximodo zanda acané laanu ca guendarulidxi ni cá lu ca primé capítulo ni bicaa Pablu para ca Hebreu. Libana ni guiluxené dxi bibí ca la? lani «Prestemos constante atención a la enseñanza divina», zacaneni iráʼ cani cucaadiaga ti gúʼyacaʼ pa dxandíʼ cucaadiágacaʼ Jiobá ne Xiiñiʼ, «ne mozo ni nuu xpiaani ne ni runi jneza» (Mat. 24:45).

Stale de ca libana ni chitiidiʼ lu dxi bibí riʼ la? zacané cani ca familia ca. Lu libana «Familias que escuchan sin distracción la Palabra de Dios» zazíʼdinu ucaananu cani ucueeza laanu iniisinu lu Stiidxaʼ Dios, ne zadiʼdiʼ ca bíchinu ne bizánanu ni maʼ huachaacaʼ modo nabánicaʼ ne jma rápacaʼ xhiiñaʼ Dios casi ni jma risaca lu xquendanabánicaʼ. Lu sti libana ni láʼ «Cómo fortalece a nuestros jóvenes escuchar con atención la Palabra de Dios» zanabadiidxacabe cani nahuiiniʼ ni maʼ bisihuinni nezalú ca xhamígucaʼ, ra scuela ne ora maʼ ziucheechecaʼ diidxaʼ de que ruzuubacaʼ Stiidxaʼ Dios. Ne libana «Pequeñuelos que escuchan a Dios y aprenden» zazíʼdinu cadi iníʼ íquenu de que ca baʼduhuiiniʼ ca maʼ qué zanda iziidicaʼ. Cani nahuiiniʼ ni chitiidinecaʼ bixhózecaʼ la? zacanécabe laanu gúʼyanu de que jma nga galán usíʼdinu xiiñinu xneza Jiobá dede nahuiiniʼ.

Laga Binidxabaʼ «[c]usiguii irá binni» la? Jiobá culuíʼ ca xpinni ni cadi cucheené laa neza ni naquiiñeʼ saacaʼ (Apo. 12:9; Isa. 30:21). Ucaadiaga chaahuinu ca conseju ni chiguieeteʼ luni ne gúninu cani la? zudii cani laanu guendananna stálepeʼ, guendanayecheʼ ne guendanabani ni qué ziuu dxi iluxe (Pro. 8:32-35).