Naquiiñeʼ gucheechenu diidxaʼ ne stale gana
1 Laanu ca testigu stiʼ Jiobá, cucheechenu diidxaʼ ne stale gana lu guidubi naca guidxilayú ne cayacanenu xcaadxi binni gaca xpinni Cristu. Dede lu iza 1992 cayúninu jma de ti mil millón de hora cada iza. ¡Nayéchepeʼ nga riuʼnu gánnanu cayacanenu lu dxiiñaʼ riʼ! (Mat. 28:19, 20.)
2 Rudiʼnu xquíxepeʼ Jiobá, purtiʼ laa nga cayacané laanu ne cudii guiráʼ ni caquiiñenu ca dxi jma nagana riʼ (2 Tim. 3:1). Yanna, xi naquiiñeʼ gúninu para cadi gusaana de gúninu dxiiñaʼ nabé risaca riʼ ne stale gana yaʼ.
3 Ni rucaa laanu gucheechenu diidxaʼ. Cumu nadxiinu Dios, maʼ bidiinu laanu laabe ne nadxiinu binni la? nga rucaa laanu gucheechenu diidxaʼ (Mat. 22:37-39; 1 Juan 5:3). Cumu nadxiinu binni la? nga rucaa laanu gusaana de gúninu stale cosa ni riuuláʼdxinu para gúninu dxiiñaʼ stiʼ Dios ne stale gana (Luc. 9:23).
4 Cadi guireeluʼ gana. Xhenemígunu, Binidxabaʼ, cuyubi ximodo guireʼnu gana ti cadi gucheechenu diidxaʼ. Gunáʼ nga chupa chonna cosa ni caquiiñebe yaʼ. Zándaca guireʼnu gana ora qué gucaadiaga binni laanu, guiréʼ chunu pur guiráʼ ca cosa ni nuu lu guidxilayú riʼ, caquiiñeʼ gúninu dxiiñaʼ para gápanu ni guibaninenu ne ora gúʼyanu zeʼ dxi ziyaca huaranu.
5 Nga runi, naquiiñeʼ gúninu stale stipa para cadi gusaana de gucheechenu diidxaʼ ne stale gana. Naquiiñeʼ gannaxhiinu Dios casi dxi bizulú bizíʼdinu de laabe, ne zanda gúninu ni ra cadi gusaana de gúʼndanu Stiidxabe ne cadi gusaana de guiníʼ íquenu xi cusiidiʼ ni laanu, ne guiráʼ ni cudii Jiobá laanu pur «mozo ni nuu xpiaaniʼ ne ni runi jneza» laanu para iguidxi fe stinu (Apo. 2:4; Mat:24:45; Sal. 119:97).
6 Guiráʼ ni cá lu Biblia culuíʼ cani laanu maʼ zeeda guidxiña dxi stiʼ Jiobá nagueenda para gunitilú ni ca binni qué iquiiñeʼ ca (2 Ped. 2:3; 3:10). Cumu nánnanu maʼ zeeda guidxiña dxi ca la? naquiiñeʼ gúninu stipa para cadi guireʼnu gana gucheechenu diidxaʼ ne zacá gúninu dxiiñaʼ ni cayaca lu guidubi naca guidxilayú ne gacanenu xcaadxi binni gácacaʼ xpinni Cristu.