Cani rucheeche stiidxaʼ Reinu:

Riéchedu nga gábidu laatu 22 stiʼ agosto 2008 que bizulú Scuela ra Riziidicabe Gúnicabe Xhiiñaʼ Dios númeru 100 guidxi Méjicu. Scuela riʼ cayácani ndaaniʼ Yoo ra raca ca Guendaridagulisaa roʼ ni nuu El Tejocote, frente de Betel 4. Dede nagasi maʼ guyé 2,363 bíʼchinu Scuela riʼ, 135 de laacabe naca binnigola ni riganna ca binni ridagulisaa, 279 naca precursor especial, jma de 1,100 naca precursor regular, 19 nuu Betel ne 15 de laacabe biseendacabe casi binnigola ni riganna ca binni ridagulisaa ca guidxi ni nuu Centroamérica.

Dxiqué la? cani napa hasta 50 iza si nga randa rié scuela riʼ, peru yanna la? ziéchetu gánnatu maʼ zanda cheʼ cani napa dede 62 iza, ndiʼ zacané laacabe guiziidiʼ chaahuicabe ximodo gápacabe ca dendxuʼ stiʼ Dios, gánnacabe gusiidicabe laacaʼ jneza ne gucheechecabe diidxaʼ sti lugar ra jma caquiiñeʼ. Cani huayé scuela riʼ nabé rudiicabe xquíxepeʼ pur laani. Tobi de laacabe guníʼ sicaríʼ: «Ni biziideʼ ra scuela riʼ nabé gucaneni naa para guiniiseʼ jma lu stiidxaʼ Dios». Stobi guníʼ: «Scuela ni guyaa Betel riʼ nga ni jma risaca ni guʼdeʼ; biiyaʼ pabiáʼ caquiiñeʼ gucheecheʼ diidxaʼ ne jma gudixhe iqueʼ guneʼ ni na Jiobá».

Laaca lu beeu agosto ca la? biluxe Scuela stiʼ ca Binnigola ni Riganna ca Binni Ridagulisaa númeru 14. Hasta yanna la? 607 bíʼchinu maʼ guyé scuela riʼ. Ribézadu uguu ndaayaʼ Jiobá guiráʼ stipa ni guca para gaca scuela riʼ ti gápanu jma bíʼchinu ni nanna gannaxhii ne ni qué rudxiibaʼ laca laa (2 Tim. 2:2).

Ca bíʼchitu,

Betel stiʼ Méjicu