Cani rucheeche Stiidxaʼ Reinu:

Grupu ni ruuyaʼ gaca dxiiñaʼ ndaaniʼ Betel stiʼ Méjicu bitiidicaʼ ti anunciu lunes 3 stiʼ julio ra gúdxicabe ca binni ni cayuni dxiiñaʼ ndaaniʼ Betel xi na Grupu ni Zaniruʼ. Anunciu que na caxiéʼ dxiiñaʼ raca Betel, nga runi caree caadxi de cani runi dxiiñaʼ racá para chigucheechecaʼ diidxaʼ ne iquiiñecaʼ guiráʼ ni maʼ biziidicaʼ ti ganda gacanecaʼ jma binni.

Cumu caree jma aparatu yanna riʼ la? cayacanécani para gaca ca guiʼchiʼ ca jma nagueenda ne laaca racanécani chindá ca guiʼchiʼ riʼ jma nagueenda ra nuu ca neza binni ridagulisaa, nga runi caxiéʼ cani cayuni dxiiñaʼ ndaaniʼ Betel. Peru jma caquiiñeʼ tu chigucheeche diidxaʼ (Luc. 10:2). Sicaríʼ guníʼ tobi de cani nuu lu Grupu ni Zaniruʼ: «Zanda sidu máquina para guni ca libru ne ca revista ni caquiiñedu, peru ca máquina ca qué zanda diʼ gucheechecani diidxaʼ». Nga runi stale xpinni Cristu ni maʼ napa stale iza Betel la? careecaʼ para iquiiñecaʼ guiráʼ ni biziidicaʼ ti ganda gacanecaʼ guireeche diidxaʼ ne gacanecaʼ stuudxi binni gaca xpinni Cristu. Stale de laacabe ziécabe ndaaniʼ stale neza binni ridagulisaa para gacanécabe ca binni ni nuu racá.

Nánnadu zaguu ndaayaʼ Jiobá guiráʼ cani cayaca riʼ, ne cayaca ca ndiʼ la? purtiʼ caquiiñeʼ guiaana biaʼ binni si ni guni dxiiñaʼ Betel, ne laaca caquiiñeʼ guireeche diidxaʼ biaʼ gándatiʼ.

Ca bíʼchitu,

Ni nuu Betel stiʼ Méjicu