Cadi gusaananu de gannaxhiinu Dios casi dxi binibiaʼnu laa
1 Jesús gudxi ca diidxaʼ riʼ ca binni ridagulisaa ni guleza ndaaniʼ guidxi Éfeso: «Ma cadi nadxii tu [Dios] casi chiqué» (Apo. 2:4). Zándaca stale de ca binni que maʼ cadi nadxiicaʼ Jiobá cásica dxi binibiaʼcaʼ laabe. Dxi bizulunu bizíʼdinu de Jiobá guizáʼ gunnaxhiinu laabe ne laaca gunnaxhiinu guiráʼ xixé binni. Nga runi bizulunu gunínenu binni guiráʼ ni cazíʼdinu. Xi zanda gúninu para cadi gusaananu de gannaxhiinu Jiobá ne cadi gusaananu de gucheechenu Stiidxabe yaʼ.
2 Guidúʼndanu Biblia ne cadi guiáʼdxanu ca guendaridagulisaa. Ora bizíʼdinu de Jiobá, ximodo beeda gannaxhiinu laabe ne beeda gannaxhiinu binni yaʼ. Ñee cadi dxandíʼ beeda gannaxhiinu laabe pur guiráʼ ni bizíʼdinu ra bidúʼndanu Stiidxabe la? (1 Juan 4:16, 19.) Yanna, para ganda «ganaxhii saa [n]u ne guiene chaahui [n]u xi racalaʼdxi be» la? caquiiñeʼ guizíʼdinu jma de laabe ne guyúbinu guienenu «irá ni riguixhe[be], dede ni jma nagana» (Fili. 1:9-11; 1 Cor. 2:10).
3 Ca dxi stinu riʼ nabé nuu stale guendanagana ne laaca nuu stale cosa ni zanda gucueeza laanu para cadi guidúʼndanu Stiidxaʼ Dios (2 Tim. 3:1). Caquiiñeʼ cueenu tiempu para guidúʼndanu Stiidxaʼ Dios. Laaca qué riquiiñeʼ guiáʼdxanu ca guendaridagulisaa stinu, jmaruʼ si yanna «ma zeda dxiña dxi gueeda Jesucristu Señor stícanu» (Heb. 10:24, 25).
4 Gucheechenu diidxaʼ. Ora rucheechenu diidxaʼ ne stale gana racaneni laanu para cadi gusaananu de gannaxhiinu Dios cásica dxi binibiaʼnu laabe. Laaca rusietenaláʼdxini laanu guiráʼ ni chiguni Jiobá, ne laaca racaneni cadi gusaana de gannaxhiinu laabe. Cumu naquiiñeʼ guiene chaahuinu cani rusiidiʼ Biblia ante chigúʼndanenu binni la? riguidxi fe stinu jma (1 Tim. 4:15, 16).
5 Jiobá nga ni naquiiñeʼ gannaxhiinu (Apo. 4:11). Cadi gusaananu de gannaxhiinu laabe cásica dxi binibiaʼnu laabe. Ni zacané laanu para cadi gusaananu de gannaxhiinu Jiobá nga guidúʼndanu Biblia stúbinu guiráʼ dxi, cadi guiáʼdxanu ca guendaridagulisaa stinu ne cadi gusaananu de gábinu binni xii nga cani jma risaca para laanu (Rom. 10:10).