Qué rusiaandaʼ Dios ca cosa galán ni rúninu

Ora rúninu xhiiñaʼ Jiobá, zeeda gácani casi ora caguu chaahuinu ca cosa galán rúninu. Cásica rietenalaʼdxiʼ ti padre nachaʼhui ca cosa galán runi xiiñiʼ, zacaca rietenalaʼdxiʼ Jiobá ca cosa galán ni rúninu ne pabiáʼ nadxiinu labe (Mt 6:20; Heb 6:10). Dxandíʼ, guiranu nga gadxé gadxé gracia nápanu ne gadxé gadxé modo nabáninu, peru pa gúninu guiráʼ ni nuu lu nanu para gúninu xhiiñaʼ Jiobá la? zabáninu nayecheʼ (Gál 6:4; Col 3:23). Lu ca iza huadiʼdiʼ ca, mil de hermanu huayúnicaʼ dxiiñaʼ Betel. ¿Ñee zanda quixhe íquenu gacanenu cásica huayuni ca hermanu riʼ la? Pa qué ganda gúninu ni, ¿ñee zanda cuʼnu gana tuuxa para guni ni la? O ¿ñee zanda gacanenu ti familia stinu para cadi gusaana de guni xhiiñaʼ Jiobá Betel la?

DESPUÉ DE GÚʼYALUʼ VIDEU NI LÁʼ ¿XI CAQUIIÑEʼ GÚNILUʼ PARA GUNI SERVIRLUʼ BETEL?, ZANDA GUICÁBILUʼ CA PREGUNTA RIʼ:

• ¿Xii nga ni naquiiñeʼ gucaa laanu quixhe íquenu guni servirnu Betel?

• ¿Xi huaníʼ caadxi hermanu de ca ndaayaʼ ni huacaacaʼ pur runi servircaʼ Betel?

• ¿Xii nga ca cosa ni caquiiñeʼ guni tuuxa ni racalaʼdxiʼ guni servir Betel?

• ¿Ximodo zanda guinábaluʼ guni servirluʼ Betel?