La Biblia: historia exacta, profecía confiable

Xi razón nápanu para guininu biaʼsi ni cá lu Biblia ne ni ruzeeteʼ historia. Xii nga ca diidxaʼ riguixhená zeeda lu Biblia maʼ guca ni rucaa laanu guni crenu laaca zaca xcaadxi diidxaʼ cá luni. Videu ni lá La Biblia: historia exacta, profecía confiable, cacabi ca guendarinabadiidxaʼ ca. Videu riʼ nga guionna ndaa stiʼ DVD ni lá La Biblia: libro de hechos y profecías. Cayuni invitardu lii gúʼyaluʼ videu ca ne guicábiluʼ ca guendarinabadiidxaʼ zeeda raríʼ:

1) Tu laa nga guníʼ xi guicá lu Biblia (Dan. 2:28). 2) Xiñee zanda guininu jnézapeʼ guiráʼ ni ruzeeteʼ Biblia de Egipto, ne ximodo guca ni na ca diidxaʼ riguixhená ni zeeda lu Isaías 19:3, 4. 3) Ximodo rusihuinni arqueología jneza ni ruzeeteʼ Biblia de ca asiriu ne ca rey stiʼ, ne ximodo guinitilú guidxi que (Nah. 3:1, 7, 13). 4) Xii nga ca diidxaʼ riguixhená bizeeteʼ Biblia zazaaca Babilonia ne zaqué nga gúcani (Jer. 20:4; 50:38; 51:30). 5) Ximodo guca ni na ca diidxaʼ riguixhená ni maca gucuá zazaaca Medopersia (Isa. 44:28). 6) Xi bizaaca Grecia pur ca diidxaʼ ni maca gucuá lu Daniel 7:6 ne 8:5, 8. 7) Ximodo guca ni na ca diidxaʼ ni zeeda lu Daniel 7:7 ra guca Roma guidxi ni biʼniʼ mandar lu guidubi naca Guidxilayú. 8) Tuu nga ca César rieeteʼ lu Biblia. 9) Xi bizaaca ca xpinni Cristu dxi biʼniʼ mandar Nerón. 10) Ximodo guca ni na ca diidxaʼ riguixhená ni zeeda lu Apocalipsis 13:11 ne 17:10. 11) Tuu nga zeeda gaca rey númeru xhono. 12) Xi bíʼyaluʼ lu videu ca ni bisihuinni dxandíʼ ca diidxaʼ ni ca lu Eclesiastés 8:9. 13) Xi diidxaʼ riguixhená ñuuláʼdxiluʼ ñuuyaluʼ ora ñaca. 14) Ximodo zanda iquiiñeluʼ videu riʼ para gacaneluʼ binni guni cré de Dios nga zeeda Biblia.