Maʼ qué zaquiiñenu folletu Guidúʼndanu Stiidxaʼ Dios guiráʼ dxi ora ridagulisaanu para chigucheechenu diidxaʼ
Dxiqué, ora ridagulisaanu para chigucheechenu diidxaʼ riquiiñenu folletu Guidúʼndanu Stiidxaʼ Dios guiráʼ dxi pa cusiéneni xiixa ni zanda gacané laanu ora gucheechenu diidxaʼ. Yanna maʼ qué zadúʼndanu folletu ca ora guidagulisaanu para chigucheechenu diidxaʼ. Cásica maca runi cani ribee grupu, zanda iquiiñecaʼ Biblia, Xhiiñaʼ Reinu ni Rúninu, libru Benefíciese, libru Razonamiento ne xcaadxi guiʼchiʼ ni zacané laanu para gucheechenu diidxaʼ. Xpinni Cristu ni nexheʼ cuee grupu dxi ca, galán guʼndaʼ dede ante ti ganda guiníʼ xiixa ni zanda gacané cani chigucheeche diidxaʼ. Ne casi maca raca guendaridagulisaa riʼ, cadi naquiiñeʼ guindaani jma de chii o quince minutu, ne zanda iquiiñeʼ menu tiempu pa casi biluxe ti guendaridagulisaa.