Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ agosto
«Ñee rábiluʼ zanda gunibiáʼ binni guidxilayú Dios ni jma nandxóʼ, casi na textu riʼ la?» Biindaʼ Hechos 17:26, 27 ne guleza guicábibe. De racá biluíʼ laabe capítulo 1 stiʼ libru Xipeʼ ndiʼ cusiidiʼ Biblia ne biindaʼ ca guendarinabadiidxaʼ ni ruzuluneni. Bisaanané laabe libru ca ne gudxi laabe zabiguétaluʼ sti dxi para gusiéneluʼ cani laabe.
® Julio-septiembre
«Yanna riʼ nuu caadxi binni nabani galán ne qué riaadxaʼ gastiʼ laacaʼ, peru laaca nuu millón ni nabani lu guendapobre. Ñee rábiluʼ zadxiña dxi maʼ qué ziuu binni ni gapa jma que stobi la? [Guleza guicábibe.] Biiyaʼ ca diidxaʼ ni guníʼ Jesús riʼ [biindaʼ Lucas 4:18]. Tema riʼ cusiene gunáʼ nga ca diidxaʼ ni rusiecheʼ ca binni pobre.» Biluíʼ laabe tema ni zeeda lu yaza 7.
Agosto
«Biiyaʼ ca diidxaʼ ni zeeda lu versículo riʼ [biindaʼ caadxi diidxaʼ ni zeeda lu 1 Samuel 16:23]. Pur ni na textu riʼ, ca saa ni rucaadiaga binni randa rucaacani laa guni stale cosa. Peru ñee rábiluʼ nuu saa ni zanda gucaa binni guni cosa ni cadi jneza la? [Guleza guicábibe.] Revista riʼ cusiene ximodo zanda cuinu xi saa gucaadiáganu ne ximodo zanda gacanenu ca xiiñinu gúnicaʼ zacaca.»