Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ agosto

«Lu guidubi naca Guidxilayú casi guiráʼ binni huayuu ora guni orar Dios. Dede né ca binni ni qué runi cré laabe runi orarcaʼ ora cadíʼdicaʼ lu xiixa guendanagana. Lii xi raʼbuʼ, ñee rucaadiágabe oración stiʼ guiráʼ binni la?» Guleza guicabi binni ca, de racá biluíʼ laabe tema ni zeeda lu últimu yaza stiʼ revista Torre stiʼ ni rapa 1 stiʼ agosto ne biindané laabe párrafo ni cacabi primé guendarinabadiidxaʼ ca ne neca tobi de ca textu zeeda luni. Bisaanané laabe revista ca ne biaanané laabe padxí zabiguétaluʼ para gúʼndaneluʼ laabe sti guendarinabadiidxaʼ ni zeeda luni.

Ni caquiiñeʼ gánnatu: Naquiiñeʼ tiidiʼ demostración riʼ lu guendaridagulisaa ni raca ante chigucheechetu diidxaʼ, 3 stiʼ agosto.

Torre sti’ ni rapa 1 stiʼ agosto

«Stale binni nabé riuu xizaa yanna riʼ purtiʼ maʼ beeda gaca pornografía casi ti plaga. Peru nuu xcaadxi binni na riguuni binni nayecheʼ ne cadi malu diʼ ni. Ximodo gánnanu tu laa napa razón yaʼ [guleza guicábibe]. Jesús guníʼ para gánnanu pa malu xiixa cosa o pa cadi malu ni la? naquiiñeʼ guidúʼyanu xi ribeendú binni de laacani [biindaʼ Mateo 7:17]. Revista riʼ cusiene xi runi pornografía ca né binni. Laaca cusiene ni xi zanda guni binni para guixeleʼ de laani.»

¡Despertad! agosto

«Stale de laanu ñuulaʼdxiʼ nibani xadxí. Ñee riníʼ íqueluʼ ziuu ti dxi zacané ciencia laanu guibáninu sin qué chuʼ dxi gátinu la? [Guleza guicábibe.] Biiyaʼ xi ruzeeteʼ Biblia chiguni Dios [biindaʼ 1 Corintios 15:26]. Ximodo chigúnibe ni yaʼ. Ñee zaquiiñebe ciencia para gúnibe ni la? o gadxé ni chiguiquiiñebe. Yanna, xiñee rióxhonu ne rátinu yaʼ. Lu revista riʼ cayeeteʼ ximodo cacabi Biblia ca guendarinabadiidxaʼ ca.»