Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ noviembre

«Nuu binni riníʼ ique zedandá ti dxi zunitilú Dios Guidxilayú riʼ ora gúʼyabe guiráʼ guendaquéiquiiñeʼ cayaca luni. Ne stale binni ni napa religión runi crecaʼ zanitilú Guidxilayú. Lii xi riníʼ íqueluʼ de ni caninu riʼ yaʼ. [Guleza guicabi binni ca.] Riuuladxeʼ gulueeʼ lii ni cusiidiʼ Biblia lu Salmo 37:29.» Biluíʼ laabe dibuju ni zeeda lu yaza 35 stiʼ libru Xipeʼ ndiʼ cusiidiʼ Biblia ne biindané laabe tobi de ca cosa ni chiguni Dios ni zeeda lu párrafo 17 dede 23. Bisaanané laabe libru ca ne gudxi laabe zabiguétaluʼ sti dxi para gúʼndaneluʼ laabe stobi de laacani.

Octubre-Diciembre

«Yanna riʼ stale binni ruuyacaʼ riuu guendanagana lu chupa chonna guendaxheelaʼ ne qué gánnacaʼ xi zanda gúnicaʼ para gaca chaahuicani. Xi rábiluʼ zanda gacané intiica guendaxheelaʼ guibani nayecheʼ. [Guleza guicabi binni ca.] Riuuladxeʼ gulueeʼ lii xi rusiidiʼ Dios zanda gacané ca guendaxheelaʼ ca guibánicaʼ nayecheʼ. Jiobá cayabi laanu ni zanda gacané laacabe nga guni respetársaacabe.» Pa hombre laabe la? biindané laabe 1 Pedro 3:7 ne pa gunaa laabe la? biindané laabe Efesios 5:33. Gudxi laabe zeeda ti tema ni láʼ «Ni zacané binnilídxiluʼ chuʼ nayecheʼ» lu yaza 10 dede 13 stiʼ revista Torre stiʼ ni rapa, ne laani cusiene ni jma de tema riʼ.

Noviembre

«Xi riníʼ íquenu ora ruuyaʼ chaahuinu guiráʼ ni rihuinni guibáʼ. Ñee riníʼ íquenu nuu tu bizáʼ cani la? o málasi beeda chuu cani. [Guleza guicabi binni ca.] Biiyaʼ xi guníʼ tobi de ca hombre ni bicaa Biblia de tema riʼ [biindaʼ Romanos 1:20]. Revista riʼ cusiene caadxi cosa ni huadxélacabe lu célula stiʼ binni ne nga racané laanu guiene chaahuinu de ni caninu riʼ.»