Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ noviembre

«Ndaaniʼ Guidxilayú riʼ nabé ridindesaa binni ne zaqueca ca guidxi ca, ruuticabe binni, nuu stale guendahuará ni qué rianda, raca stale desgracia casi xu ne xcaadxi cosa ni runiná binni. Stale tu rinabadiidxaʼ xiñee rudii Dios lugar gacaná binni pa nápabe stale poder, nadxiibe binni, nuu xpiaanibe ne rúnibe ni jneza. Lii xi riníʼ íqueluʼ de guiráʼ ni cazaaca riʼ yaʼ.» Guleza guicábibe. Zanda guinábaluʼ laabe gúʼndabe 1 Juan 5:19, de racá bidii laabe ti libru Xipeʼ ndiʼ cusiidiʼ Biblia. Biindané laabe ni zeeda lu yaza 108, párrafo 7, ne bisiene laabe Binidxabaʼ nga cayuni mandar ndaaniʼ Guidxilayú riʼ, nga runi cadiʼdiʼ binni lu stale yuubaʼ. Gudxi laabe padxí guibiguétaluʼ para guicábiluʼ sti guendarinabadiidxaʼ ni caníʼ de tema ca.

Torre stiʼ ni rapa Octubre-diciembre

«Xi riníʼ íqueluʼ ora gunadiágaluʼ diidxaʼ bixhoze.» Guleza guicábibe. Zanda guinábaluʼ laabe gúʼndabe Lucas 11:2 ne bisaanané laabe ti revista Torre stiʼ ni rapa octubre-diciembre ne biindané laabe guionnaʼ párrafo ni zeeda lu yaza 19. Bisiene laabe pabiáʼ risaca nga gunibiaʼnu Bixhózenu ni nuu guibáʼ, ne zacá jma zannaxhiinu laabe. Bisaanané binni ca revista ca ne gudxi laa padxí zanda guibiguétaluʼ.

!Despertad! Noviembre

«Cayúnidu ti dxiiñaʼ lu guidubi naca Guidxilayú para gacanedu binni. Cadi dxandíʼ nuu stale binni ni nabani bixhoze o jñaa si la? Ñee raʼbuʼ jma rapa ca familia ca guendanagana que cani napa bixhoze ne jñaa la? [Guleza guicábibe.] Stale de cani napa xiiñiʼ huayacané ca conseju ni zeeda lu Biblia laacaʼ [biindaʼ 2 Timoteo 3:16]. Lu revista riʼ zeeda caadxi conseju ni zanda gacané ca binni ni cusiniisi xiiñiʼ stubi.»