Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ diciembre

«Caadxi binni riníʼ ique guca Jesús ti hombre nachaʼhuiʼ, xcaadxi na gúcabe ti profeta risaca cásica guca Moisés ne xcaadxi riníʼ ique gúcabe Dios. Lii yaʼ, xi riníʼ íqueluʼ de laabe [guleza guicábibe]. Nabé risaca nga ganna chaahuiluʼ tu guca Jesucristu, purtiʼ ra gúniluʼ ni zanda guibániluʼ sin qué chuʼ dxi gátiluʼ ndaaniʼ ti paraísu lu Guidxilayú riʼ.» Biindaʼ Juan 17:3. Biindané laabe párrafo 3 ni zeeda lu capítulo 4 stiʼ libru Xipeʼ ndiʼ cusiidiʼ Biblia ne gudxi laabe zabiguétaluʼ sti dxi para gúʼndatu jma de tema ca.

Octubre-diciembre

«Ca dxi stinu riʼ, nuu gayuaa de religión ne nacaʼ rusiidicaʼ ni dxandíʼ de Dios neca gadxé gadxé ni riniʼcaʼ ora rusiidicaʼ de laabe ne qué gánnacaʼ xi ribézabe de laanu. Ñee huaníʼ íqueluʼ ximodo zanda gánnaluʼ gunáʼ nga religión ni dxandíʼ la?» Guleza guicábibe. Biluíʼ laabe revista riʼ, ne bisiene laabe primé subtítulo ni zeeda lu yaza 14 stini, ne biindané laabe Juan 4:23, 24. Bisaanané laabe ca revista ca ne gudxi laabe zabiguétaluʼ sti dxi para gúʼndatu sti guendarinabadiidxaʼ ni zeeda lu tema ca.

Diciembre

Biindaʼ 2 Timoteo 3:16. De racá guníʼ: «Caadxi binni riníʼ ique Dios guníʼ xi guicá lu Biblia, peru nuu tu laa riníʼ cadi zacá diʼ ni. Lii yaʼ, xi riníʼ íqueluʼ [guleza guicábibe]. Neca gadxé gadxé ni riníʼ binni, peru stale tu huadii cuenta gástiruʼ sti libru casi laani, purtiʼ nuuruni neca huayúnicabe stale cosa para gunitilúcabe ni. Revista riʼ cuzeeteʼ de caadxi cosa ni huayuni binni para gunitilú Biblia ne para cadi guʼndaʼ binni ni. Ne laca cayábini laanu xiñee qué huayanda gunitilúcabe ni».