Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ diciembre

«Stale binni riníʼ ique qué zanda gaca xhamigu Dios. Peru lii xi raʼbuʼ yaʼ. Ñee zanda gaca xhamígunu Dios la?» [Guleza guicábibe.] Gunabaʼ laabe gúʼndabe Isaías 41:8, de racá bidii laabe ti libru Xipeʼ ndiʼ cusiidiʼ Biblia ne bizulú biindané laabe párrafo 3 stiʼ yaza 115. Bisiene laabe zanda gaca xhamígunu Dios. Gudxi laabe padxí guibiguétaluʼ para guicábiluʼ sti guendarinabadiidxaʼ ni caníʼ de tema ca.

Torre stiʼ ni rapa Octubre-diciembre

«Stale binni nanna rutiidilaʼdxiʼ Dios stóndacaʼ. Peru ñee dxandíʼ rusiaandabe stóndanu ora maʼ bitiidiláʼdxibe cani la?» Guleza guicábibe. Gunabaʼ laabe gúʼndabe Ezequiel 18:21, 22. De racá bidii laabe ti revista Torre stiʼ ni rapa octubre-diciembre ne biindané laabe párrafo 6 stiʼ yaza 18. Bisiene laabe pabiáʼ riaʼ Dios binni. Bisaanané laabe revista ca ne gudxi laabe padxí zanda guibiguétaluʼ.

!Despertad! Diciembre

«Ñee maʼ bidiiluʼ cuenta nuu stale cosa ni rucaa binni guidxiichi nagueenda la? [Guleza guicábibe.] Dede nuu tu riníʼ nabáninu lu ti tiempu nabé nagana ni maca bizeeteʼ Biblia lu 2 Timoteo 3:1 [biindaʼ ni]. Revista riʼ cusiene xiñee cadi galán guidxiichi binni nagueenda ne laaca cuzeeteʼ ni chupa chonna cosa ni zacané binni ti cadi gaca zacá.»