Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ diciembre
«Stale binni riuulaʼdxiʼ guiziidiʼ ca xiiñiʼ de Dios ne gannaxhiicaʼ laabe. Peru, lii xi riníʼ íqueluʼ, ñee binni nga gusiidiʼ xiiñiʼ gannaxhii Dios la? o stubi ca xcuidica guiziidicaʼ gunibiaʼcaʼ laabe.» Guleza guicábibe. De racá biluíʼ laabe últimu yaza stiʼ revista Torre stiʼ ni rapa 1 stiʼ diciembre ne biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Gudxi laabe pa ziaananebe ca revista riʼ. Ne gudixhe padxí guibiguétaluʼ para gúʼndaneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ diciembre
«Canagánnadu binni neca ti ratuhuiiniʼ para guinínedu laacaʼ de Dios. Guiráʼ binni gadxé gadxé modo ruuyacaʼ Dios. Peru, ñee jma stale tu ruuyaʼ laabe casi ti stipa si la? o zanda guidúʼyanu laabe casi ti xhamígunu ni rizaalaʼdxiʼ laanu. [Guleza guicábibe.] Biblia ruzeeteʼ Dios peʼ racalaʼdxi chuʼnu gaxha de laa. [Biindaʼ Santiago 4:8a.] Revista riʼ cusiene chonna cosa ni zanda gúninu ti ganda guidxíñanu Dios.»
¡Despertad! Diciembre
«Canínedu binni neca ti ratuhuiiniʼ de ti guendahuará ni nabé riguu xizaa stale binni. Laani nga depresión. Organización Mundial de la Salud ruzeeteʼ ziuu ora zuniná guendahuará riʼ tobi de cada tapa binni. Cadi dxandíʼ jma maʼ cayuniná guendahuará riʼ binni la? [Guleza guicábibe.] Biblia ruzeeteʼ maʼ qué ziuuruʼ guendahuará nin yuubaʼ [Biindaʼ Apocalipsis 21:3, 4.] Revista riʼ cusiene caadxi cosa ni naquiiñeʼ gánnanu de guendahuará riʼ.»