Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ mayo

«Canínedu ca xpecínuluʼ de ti tema nabé riuulaʼdxiʼ binni ganna. [Biluíʼ laabe últimu yaza stiʼ Torre stiʼ ni rapa 1 stiʼ mayo.] Xi riníʼ íqueluʼ yaʼ.» Guleza guicábibe. Biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané laabe ca revista ca ne gudxi laabe padxí tiidiluʼ sti biaje para gúʼndaneluʼ laabe sti guendarinabadiidxaʼ zeeda luni.

Torre stiʼ ni rapa 1 stiʼ mayo

«Stale binni riuulaʼdxiʼ ganna xi chiguizaaca despué. Lii xi riníʼ íqueluʼ zazaaca despué yaʼ. Ñee rábiluʼ jma galán zabáninu la? o jma feu. [Guleza guicábibe. De racá biindané laabe tobi de ca versículo zeeda lu cuadru ni láʼ «Ni caníʼ Dios chiguizaaca despué».] Revista riʼ cusiene caadxi de ca cosa na Dios chiguizaaca ne xiñee zanda guni crenu zaca cani.»

¡Despertad! Mayo

«Caninedu binni ximodo zanda guni para cadi gapa stale estrés. Ñee raʼbuʼ jma napa binni estrés yanna que dxiqué la? [Guleza guicábibe.] Ca conseju zeeda lu Biblia huayacanécani stale binni para cadi gapa stale estrés. Chiguluéʼ lii ti ejemplu. [Biindaʼ Mateo 6:34.] Revista riʼ cusiéneni ximodo racané ca conseju zeeda lu Biblia laanu para ganda gudxíʼlunu tapa cosa ni nabé rucaa binni gapa estrés.»

Laguuyaʼ: Revista riʼ zándaca ziuulaʼdxiʼ binni runi negocio ni.