Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ febrero
«Nuu binni ni huanínedu riníʼ íquecaʼ Biblia ca nga Stiidxaʼ Dios, peru nuu xcaadxi na zeeda gaca ni casi intiica si libru. Lii xi raʼbuʼ yaʼ.» Guleza guicábibe. Biluíʼ laabe últimu yaza stiʼ revista Torre stiʼ ni rapa 1 stiʼ febrero ne bisiene laabe primé guendarinabadiidxaʼ zeeda luni ne biindané laabe neca tobi de ca textu cá lu párrafo ca. Gudxi laabe pa ziaananebe ca revista riʼ. Ne gudixhe padxí guibiguétaluʼ para gúʼndaneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ febrero
«Cadi dxandíʼ guiráʼ binni ñuulaʼdxiʼ pa ñanda si maʼ qué ñaca guerra la? Peru ñee raʼbuʼ zadxiña dxi gaca nga la? [Guleza guicábibe.] Biiyaʼ xi caníʼ Biblia chigaca [biindaʼ Salmo 46:9]. Nabé risaca gánnanu stale de ca cosa ni bihuinni lu primé guendaridinde guca lu guidubi naca Guidxilayú riʼ ne cani guca despué purtiʼ racanécani laanu guni crenu mayaca guni Dios ni na ca diidxaʼ bidúʼndanu ca. Revista riʼ cusiene chaahuiʼ ni.»
¡Despertad! Febrero
«Zeeda gánnadu lii yannadxí para guinínedu lii de ti guendanagana nabé ridxaagalú binni. Stale binni na qué rudii tiempu laa para guni guiráʼ ni racalaʼdxiʼ. Ñee raʼbuʼ qué gápacabe tiempu purtiʼ stale nga ni racaláʼdxicabe gúnicabe, o purtiʼ runíticabe tiempu stícabe lu sti cosa la? [Guleza guicábibe.] Stale tu qué ganna pa rudii Biblia conseju binni para ganna ximodo iquiiñeʼ tiempu stiʼ. Raríʼ zeeda tobi de ca conseju ca [biindaʼ Filipenses 1:10a]. Lu revista riʼ zeeda tapa conseju ni zacané binni ganna iquiiñeʼ tiempu stiʼ jneza.»