Caadxi modo zanda guininenu binni

Ximodo zanda guzulú gúʼndanenu binni Biblia primé sábadu stiʼ febrero

«Guiranu rusisácanu xiixa ni gusigaʼdeʼ tuuxa laanu, jmaruʼ si pa nadxii binni ca laanu. Ne Dios nga tobi de ca binni ni nadxii laanu ne huadii laanu stale cosa. Yanna, para lii, xii nga ni jma risaca huadii Dios laanu yaʼ.» Guleza guicábibe ne gudxi laabe jneza ni guniʼbe. De racá biindaʼ Mateo 20:28 para guluiʼluʼ laabe ni jma risaca huadii Dios laanu nga xquendanabani xiiñiʼ para gulá laanu. Biluíʼ laabe capítulo 5 stiʼ libru Xipeʼ ndiʼ cusiidiʼ Biblia ra cusiene xii nga ni gudixe Dios pur laanu. Zanda gusaananeluʼ laabe libru ca ne gudxi laabe padxí zanda guibiguétaluʼ para gúʼndatu ni.

Torre stiʼ ni rapa Enero-marzo

«Zándaca huayuuyaluʼ zeʼ dxi jma nagana cayaca para binni gacané binnilidxi chuʼ tobi si, ne jmaruʼ si pa maʼ ziniisi xiiñicaʼ. Xi rábiluʼ zanda guni ti hombre para chuʼ gaxha de xiiñiʼ yaʼ.» Guleza guicábibe ne gudxi laabe jneza ni guniʼbe. De racá guyé lu tema ni láʼ «Xi naquiiñeʼ guni ti hombre para chuʼ gaxha de xiiñiʼ» ne biindané laabe primé ne guiropa párrafo stiʼ subtítulo ra na «Gucané laabe guni sentirbe zanda gúnibe xiixa stúbibe» zeedani lu yaza 12 stiʼ revista Torre stiʼ ni rapa. Biindané laabe Mateo 3:17 ne bisiene ni laabe. Zanda gusaananeluʼ laabe revista ca ne gudxi laabe padxí zanda guibiguétaluʼ para gúʼndaneluʼ laabe xcaadxi de cani zeeda luni.

¡Despertad! Febrero

«Yanna riʼ, stale binni riuulaʼdxiʼ güíʼ diidxaʼ pur teléfono o pur Internet. Peru ñee rábiluʼ gastiʼ naca iquiiñecabe cani para güícabe diidxaʼ la? [Guleza guicábibe.] Lu Biblia zeeda stale conseju ni zacané laanu para cadi guizaacanu xiixa. [Biluíʼ laabe tobi de ca guendarinabadiidxaʼ ni zeeda lu yaza 6 dede 9, ne ora gusiéneluʼ ni laabe biquiiñeʼ textu ni zeeda despué de guendarinabadiidxaʼ ca.] Revista riʼ zacaneni lii gánnaluʼ gunáʼ nga ca guendanagana ni rapa binni ora riquiiñeʼ teléfono o Internet ne xi zanda guni para cadi gapa ca guendanagana ca.»