Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ septiembre

«Ñee runi creluʼ Dios guníʼ xi guicá lu Biblia, ne zanda gacaneni binni yanna la? [Guleza guicábibe.] Biiyaʼ xiná Biblia ne xi zanda gúnini casi na 2 Timoteo 3:​16.» De racá biluíʼ laabe capítulo 2 stiʼ libru Xipeʼ ndiʼ cusiidiʼ Biblia ne biindaʼ párrafo 5. Bisaanané laabe libru ca ne gudxi laabe zabiguétaluʼ sti dxi para gúʼndaneluʼ laabe jma de laani.

® Julio-septiembre

«Biblia cayabi laanu zanda guibáninu lu Guidxilayú riʼ sin qué chuʼ dxi gátinu ndaaniʼ ti paraísu. Ñee raʼbuʼ zaree binni gana guibani ti lugar sicarú sin qué chuʼ dxi gati la? [Guleza guicábibe.] Biiyaʼ xi cusiene Biblia de dxiiñaʼ galán ni zuni binni ni zusiecheʼ laacaʼ ne zusiecheʼ ca binni ni nadxiicaʼ casi na Isaías 65:​22-​24. Revista riʼ cusiéneruʼ pabiáʼ galán zabani binni lugar ca.» Biluíʼ laabe tema ni zeeda lu yaza 23.

Septiembre

«Stale binni raca huará de estrés ora qué gapa bueltu. Xiñee rábiluʼ raca nagana para binni ugaanda xpueltu dede ra guiluxe beeu [guleza guicábibe]. Lu Biblia zeeda conseju galán ni zanda gacané stale binni ganna iquiiñeʼ xpueltu jneza [biindaʼ tobi de ca textu ni zeeda lu yaza 8 ne 9]. Revista riʼ neni caadxi conseju galán ni zanda gacané cani nabé riuu xizaa purtiʼ nuzaabicaʼ stiʼ binni.»