Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ septiembre
«Stale binni runi cré ca ángel ca. Yanna lii yaʼ. [Guleza guicábibe]. Ca ángel ca espíritu laacaʼ ne nápacaʼ stale poder, ñee raʼbuʼ zanda gacanécabe laanu la? Biblia cusiene ximodo racanécabe laanu». De racá biluíʼ laabe últimu yaza stiʼ revista Torre stiʼ ni rapa 1 stiʼ septiembre ne biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané laabe ca revista ca ne gudxi laabe padxí tiidiluʼ sti biaje para gusiéneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ septiembre
“Ñee raʼbuʼ zanda gaca chaahuiʼ guiráʼ ra maʼ biʼniʼ feu binni lu Guidxilayú riʼ la? [Guleza guicábibe.] Nécapeʼ qué zanda guni chaahuiʼ binni ra maʼ biʼniʼ feu lu Guidxilayú riʼ la? Biblia cayabi laanu Dios zanda guni ni ne racaláʼdxibe gúnibe ni. Raríʼ zeeda ni maʼ bidii stiidxaʼ Dios lu Salmo 65:9 [biindaʼ ni]. Revista Torre stiʼ ni rapa riʼ cusiene ximodo zapa Dios Guidxilayú riʼ ne ximodo zanda guicaanu ndaayaʼ stiʼ Dios. Ñuuladxeʼ nusaananiáʼ ni lii para ñuundaluʼ ni.»
¡Despertad! Septiembre
«Stale binni runi sentir naquiiñeʼ guni stale dxiiñaʼ ne qué gánnacaʼ ximodo guisisi dxiiñaʼ sticaʼ. Ca binni ni ruundaʼ de tema riʼ nacaʼ ora napa binni stale dxiiñaʼ zanda gacaditicaʼ tantu maʼ bidxágacaʼ ne pur nga zanda gacaná xcuérpucaʼ ne xquendabiaanicaʼ. Xi zanda gacané laanu para gudxíʼlunu guendanagana riʼ yaʼ. [Guleza guicábibe]. Rucaa versículo stiʼ Biblia riʼ laanu guiníʼ íquenu [biindaʼ Eclesiastés 4:6]. Revista riʼ cudii tapa conseju para quíxhenu xii nga ni jma risaca para laanu ne zacá cadi gusidxaga dxiiñaʼ stinu laanu.»