Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ septiembre

«Stale binni nabé ridxibi ca espíritu malu ca. Xi rábiluʼ zanda guni binni para gudxiilú laacabe yaʼ.» Guleza guicábibe. Gunabaʼ laabe gúʼndabe Hechos 19:19, de racá bidii laabe ti libru Xipeʼ ndiʼ cusiidiʼ Biblia. Biindané laabe ni zeeda lu yaza 102 stiʼ libru ca, ne bisiene laabe zanda guixeleʼ ca espíritu ca de binni ra chinanda ni caníʼ Biblia de tema ca. Gudxi laabe padxí guibiguétaluʼ para guicábiluʼ stiʼ guendarinabadiidxaʼ ni caníʼ de tema ca.

Torre stiʼ ni rapa Julio-septiembre

«Guiráʼ ladu riquiiñeʼ binni amuletu, riquiiñecaʼ tabla ouija ne riecaʼ ra nuu ca binni ni runi dxiiñaʼ de espiritismo para gánnacaʼ xi zazaacacaʼ despué o xi gúnicaʼ para cadi guizaacacaʼ xiixa cosa malu. Ñee rábiluʼ gastiʼ naca guni binni guiráʼ nga la?» Gunabaʼ laabe gúʼndabe Deuteronomio 18:10-12. De racá bisaanané laabe revista Torre stiʼ ni rapa julio-septiembre, ne biindané laabe párrafo 4 stiʼ yaza 10. Bisiene laabe pabiáʼ risaca nga chinanda binni ca conseju ni zeeda lu Biblia para cadi guchiiñaʼ ca demonio ca laacaʼ. Bisaanané laabe revista ca ne gudxi laabe padxí guibiguétaluʼ.

¡Despertad! Septiembre

«Stale tu na zanitilú binni ra gaca ti guendaridinde lu guidubi naca Guidxilayú riʼ o ra guidxelasaa ti asteroide Guidxilayú o ra guchaa clima stiʼ Guidxilayú. Ñee naquiiñeʼ guni crenu ca binni ni riníʼ zanitilú Guidxilayú, o riníʼcabe ni zeeda si ndaaniʼ íquecabe la? [Guleza guicábibe.] Lu Biblia zeeda caadxi diidxaʼ ni zaguixhedxí ladxidoʼno [biindaʼ Salmo 37:29]. Lu revista riʼ zeeda caadxi modo nácabe zanitilú Guidxilayú ne laacaʼ cusiéneni xipeʼ nga caníʼ Biblia zazaaca né binni guidxilayú.»