Ximodo zanda gusaananu revista

® Enero-marzo

«Huadúʼyadu nuu caadxi binni rituí lucaʼ gusiénecaʼ ca xiiñicaʼ de ora ratané ti hombre ti gunaa, ne pur nga qué rinacaʼ guiniʼcaʼ de laani. Ñee raʼbuʼ rudii Biblia xiixa conseju ni zanda gacané laacabe la? [Guleza guicábibe.] Biiyaʼ xi conseju cudii apóstol Pablu [biindaʼ Efesios 6:4]. Tema riʼ cuzeeteʼ chonna razón nabé risaca ni zanda gacané ca binni ni napa xiiñiʼ ti cadi guituí lucaʼ guiníʼnecaʼ ca xiiñicaʼ de ora ratané ti hombre ti gunaa.» Biluíʼ laabe tema ni zeeda lu yaza 12.

Febrero

«Cumu maʼ xadxí nga de gucuá Biblia la? nuu binni riníʼ ique cadi jneza guiráʼ ni ruzeeteni de ciencia. Lii xi raʼbuʼ yaʼ [guleza guicábibe]. Stale tu ridxagayaa ora guʼndaʼ ca diidxaʼ riʼ lu Biblia [biindaʼ Isaías 40:22]. Tema ni zeeda lu yaza 22 cacabi guendarinabadiidxaʼ riʼ “Ñee biaʼsi nga ni ruzeeteʼ Biblia de ciencia la?”.»

® Enero-marzo

«Caadxi binni rinabadiidxaʼ pa rusianda ca testigu stiʼ Jiobá binni pur fe ni napa. Ca Testigu qué rusiándacaʼ binni. Ñee nannuʼ xiñee qué rúnicabe ni la? [Guleza guicábibe.] Biiyaʼ xi guníʼ Jesús zusihuinni tuu nga cani dxandíʼ xpinni [biindaʼ Juan 13:35]. Tema riʼ cusiene ximodo zanda chuʼnu tobi si casi ti familia pa gannaxhiisaanu.» Biluíʼ laabe tema ni zeeda lu yaza 21.

Marzo

«Cumu stale binni nga napa xiixa guendahuará yanna la? riuuláʼdxidu uguʼdu gana laacaʼ né textu riʼ [biindaʼ Isaías 33:24]. Ximodo raʼbuʼ zabani binni ora gaca ni na ca diidxaʼ riʼ [guleza guicábibe]. Peru laga cabézanu guedandá dxi riʼ, guiranu zanda gúninu xiixa para chuʼnu nazaaca. Revista riʼ cusiene ximodo zanda gúniluʼ ni.»