Ximodo zanda gusaananu revista

TORRE STIʼ NI RAPA 1 stiʼ mayo

«Ora gati ti baʼduhuiiniʼ la? naroʼbaʼ yuubaʼ riaanané jñaabe ne bixhózebe. Xi raʼbuʼ zanda gacané laacabe ti ganda gatadxí ladxidóʼcabe yaʼ. [Guleza guicábibe. De racá biindaʼ Romanos 15:5.] Revista riʼ cuzeeteni ximodo riguixhedxí Dios ladxidóʼ binni ora gati tuuxa binnilidxi.»

Mayo

«Ñee raʼbuʼ maca gudixhe Dios guiráʼ ni gúninu ne guiráʼ ni guizaacanu la? [Guleza guicábibe.] Textu riʼ cayabi laanu rudii Dios lugar guibani binni modo gacalaʼdxiʼ [biindaʼ Deuteronomio 30:19]. Tema riʼ cusiéneni xi riníʼ Biblia de ni caninu riʼ.» Biluíʼ laabe tema ni zeeda ra ruzulú yaza 12.

TORRE STIʼ NI RAPA 1 stiʼ mayo

«Guiráʼ hombrehuiiniʼ ne dxaapahuiiniʼ redandá ti dxi riníʼ íquecaʼ xi gúnicaʼ ora maʼ guiniisicaʼ. Peru paraa raʼbuʼ zanda guidxélacabe ni gacané laacabe para gúnicabe ni jneza ne gápacabe guendabiaaniʼ para cheni laacabe galán yaʼ. Ni cacabi guendarinabadiidxaʼ riʼ cá ni lu 2 Timoteo 3:16, 17 [biindaʼ textu ca de ndaaniʼ Biblia]. Lu revista riʼ cayeeteʼ ximodo zanda gúʼndanu Biblia ne guiníʼ íquenu de ni guidúʼndanu ca ti gánnanu xi gúninu yanna ne chuʼnu nayecheʼ ora maʼ huaniisinu.»

Junio

«Ñuuladxeʼ ñannaʼ xi riníʼ íqueluʼ de ni na textu riʼ [biindaʼ 1 Timoteo 6:10]. Ñee raʼbuʼ qué ridiʼdiʼ ca binni ni rucaa ique gapa puru si bidxichi ne cosa risaca lu guendanagana la? [Guleza guicábibe.] Revista riʼ cusiéneni xi guiráʼ rizaacalú binni pur rucaa ique gapa puru si bidxichi.»