Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ octubre
«Canagánnadu binni neca ti ratuhuiiniʼ para guinínedu laacaʼ de ti gobiernu ni dxandíʼ. Nouʼ ziuu ti gobiernu ni zanda cuee ca guendanagana naroʼbaʼ ridúʼyanu casi guendaridinde ne ca cosa ni cadi jneza la?». Guleza guicábibe. Bisietenalaʼdxiʼ laabe lu oración runibiáʼ binni casi padrenuestro, bisiidiʼ Jesús ca discípulo stiʼ guinábacaʼ ti gobiernu ni chiguni zacá ora guni orarcaʼ, ne laani nga Reinu stiʼ Dios. Biluíʼ laabe ultimu yaza stiʼ Torre stiʼ ni rapa 1stiʼ octubre, biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané laabe ca revista ca ne gudxi laabe padxí tiidiluʼ sti biaje para gusiéneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ octubre
«Caninedu ca binni riʼ neca ti ratuhuiiniʼ de oración bisiidiʼ Jesús ca discípulo stiʼ ne nabé runibiáʼ binni ni. [Biindaʼ Mateo 6:9, 10.] Ñee huasiénecabe lii xii nga Reinu stiʼ Dios, ne xiñee nabé bisiidiʼ Jesús binni de laani la? [Guleza guicábibe.] Revista riʼ culuiʼni xi riníʼ Biblia de Reinu stiʼ Dios ne xi guiráʼ cosa sicarú chiguni gobiernu riʼ lu Guidxilayú.»
¡Despertad! Octubre
«Ne huaxiéʼ si diidxaʼ cayacanedu binni guicabi guendarinabadiidxaʼ riʼ. [Biluíʼ laabe ni ca lu primé yaza stiʼ revista ca.] Nouʼ caquiiñepeʼ gaca binni ricu para ganda cueendú ni galán la? [Guleza guicábibe.] Biblia cusiene laanu ximodo naquiiñeʼ gúʼyanu ca cosa risaca nuu lu Guidxilayú riʼ. [Biindaʼ Lucas 12:15.] Laaca cusiene Biblia guiráʼ binni zanda cueendú ni galán lu xquendanabani. Revista riʼ cusiene jma de laani.»