Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ octubre

«Stale tu riníʼ ique naca Jesús ti baʼduhuiiniʼ ni nexheʼ ra ró yuze guixi o casi ti hombre ni cayati, casi bizaacabe raca chupa mil iza. Peru lii yaʼ, ximodo riníʼ íqueluʼ laabe yanna [guleza guicábibe]. Biiyaʼ xiná revista riʼ.» Biluíʼ laabe revista Torre stiʼ rapa octubre-diciembre, biindané laabe ni cá lu primé subtítulo ni zeeda lu yaza 16 ne biindané laabe neca tobi de ca textu ni zeeda luni. Bisaanané laabe ca revista ca ne biaanané laabe padxí zabiguétaluʼ para gúʼndaneluʼ laabe stobi de ca guendarinabadiidxaʼ stini.

Torre sti’ ni rapa Octubre-diciembre

Biindaʼ Salmo 65:2, ne de racá guníʼ: «Stale binni runi cré rucaadiaga Dios oración stinu, casi na raríʼ, nga runi guiráʼ dxi riníʼnecaʼ laabe. Peru xcaadxi binni na: “Pa nuu Dios, xiñee nuu stale guendanagana lu Guidxilayú riʼ”. Yanna, lii xi rábiluʼ. Ñee nuu ti Dios ni rucaadiaga ca oración stinu la? [Guleza guicábibe.] Revista riʼ cusiene né Biblia xiñee cudii Dios lugar gacaná binni pa rucaadiágabe ca oración stinu».

!Despertad! Octubre

«Stale binni racalaʼdxiʼ cheʼ xiiñiʼ scuela roʼ. Ñee rábiluʼ ora guiluxe gúʼndacabe maʼ nánnacabe ximodo guibánicabe la? [Guleza guicábibe.] Chiguluéʼ lii lu Biblia ra cayeeteʼ pabiáʼ risaca nga guiziidiʼ binni ne gacaʼ tuuxa nuu xpiaaniʼ [biindaʼ Eclesiastés 7:12]. Revista riʼ cuzeeteʼ gaayuʼ modo ni zanda gacané cani canazá scuela.»