Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ junio
«Canagánnadu binni neca ti ratuhuiiniʼ ne caninedu laacaʼ de guendarinabadiidxaʼ risaca zeeda raríʼ. [Biluíʼ laabe guendarinabadiidxaʼ zeeda lu últimu yaza stiʼ revista Torre stiʼ ni rapa 1 stiʼ junio.] Lii xi riníʼ íqueluʼ yaʼ.» Guleza guicábibe. Biindané laabe ni cusiene primé guendarinabadiidxaʼ stini ne biindané laabe neca ti textu zeeda luni. Bisaanané laabe ca revista ca ne gudxi laabe padxí tiidiluʼ sti biaje para gusiéneluʼ laabe sti guendarinabadiidxaʼ zeeda luni.
Torre stiʼ ni rapa 1 stiʼ junio
«Guiráʼ iza rati biaʼ xhoopaʼ millón de binni pur rigúʼbacaʼ gueza. Ñee raʼbuʼ nuu xiixa ni zanda gucueeza viciu ni nuu guiráʼ ladu riʼ la? [Guleza guicábibe.] Stale binni maʼ bisaanacaʼ viciu riʼ ra gúnnacaʼ ximodo ruuyaʼ Dios ni. Casi versículo zeeda lu Biblia riʼ huacaani binni guiníʼ ique ximodo zuniná xcaadxi binni ora cubaʼ gueza. [Biindaʼ 1 Corintios 10:24.] Revista riʼ cusiene ora guiziidiʼ binni ximodo ruuyaʼ Dios viciu riʼ la? rucaani laacaʼ gusaanacaʼ de cúbacaʼ gueza.»
¡Despertad! Junio
«Nuu tu na huayacané ca red social ca binni para gapa jma xhamigu que dxiqué. Peru, xi guenda raʼbuʼ naquiiñeʼ gapa ti binni ni dxandíʼ xhamígunu yaʼ. [Guleza guicábibe.] Raríʼ zanda guidúʼyanu tobi de ca conseju rudii Biblia laanu ora guyúbinu tu gaca xhamígunu. [Biindaʼ Santiago 1:19.] Revista riʼ cusiene tapa conseju ni zacané laanu gácanu ti binni ni chuulaʼdxiʼ xcaadxi gaca xhamigu.»