Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ junio

«Cadi dxandíʼ guiranu nga riuuláʼdxinu guibaninenu binnilídxinu nayecheʼ la? [Guleza guicábibe.] Biblia ruzeeteʼ xi naquiiñeʼ guni guiráʼ binni ni nabeza ndaaniʼ ti yoo para ganda guibánicaʼ nayecheʼ. Laani nga gannaxhiinu binni cásica runi Dios ni.» Biindaʼ Efesios 5:1, 2. Bixheleʼ yaza 135 stiʼ libru Xipeʼ ndiʼ cusiidiʼ Biblia ne biindaʼ párrafo 4. Bisaanané laabe libru ca ne gudxi laabe zabiguétaluʼ sti dxi para gusiéneluʼ laabe tobi de ca guendarinabadiidxaʼ ni zeeda ra ruzulú capítulo 14.

® Abril-junio

«Yanna riʼ nuuruʼ lugar ra rúnicabe menu ca binni ni riníʼ sti diidxaʼ. Ñee rábiluʼ laaca ruuyaʼ Dios laacabe casi ti grupu huiiniʼ de binni ni qué risaca la? [Guleza guicábibe.] Ñuuladxeʼ nulueeʼ lii lu Biblia ximodo ruuyaʼ Dios laacabe [biindaʼ 1 Timoteo 2:4]. Tema riʼ cusiéneni xi cayuni Dios yanna para gusiidiʼ ca binni ni riníʼ stiʼ diidxaʼ.» Biluíʼ laabe tema ni zeeda lu yaza 25.

Junio

«Yanna riʼ maʼ guiráʼ ladu nuu cani ruuti binni para guchibi gobiernu. Xiñee rábiluʼ rúnicabe zacá yaʼ [guleza guicábibe]. Ca diidxaʼ ni zeeda lu Biblia riʼ riguixhedxícani ladxidoʼno [biindaʼ Salmo 72:7, 14]. Revista riʼ cusiéneni xiñee nuu tu ruuti binni para guchibi gobiernu ne laaca cuzeeteni ximodo ne padxí na Biblia chiguinitilú guiráʼ ni rúnicabe.»