Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ junio

«Stale binni maʼ racalaʼdxiʼ gueeda Reinu stiʼ Dios. Guiráʼ dxi rinábacabe ni lu oración ni láʼ Padrenuestro. Ñee rábiluʼ ziuu dxi guicabi Dios oración ni rúnicabe ca la? [Guleza guicábibe.] Gudxi laabe gúʼndabe Mateo 6:9-13, de racá bidii laabe ti libru Xipeʼ ndiʼ cusiidiʼ Biblia. Biindané laabe párrafo 6 ne 7 stiʼ capítulo 8 ne biluíʼ laabe xi guiráʼ cosa galán chiguni Reinu stiʼ Dios. Gudxi laabe zabiguétaluʼ sti dxi para guicábiluʼ sti guendarinabadiidxaʼ zeeda lu libru ca.

Torre stiʼ ni rapa Abril-junio

«Stale binni riuu xizaa xi gueeda guizaaca binnilidxi despué. Pa nápaluʼ xiiñiluʼ, cadi dxandíʼ riguu xaíqueluʼ ximodo guibánicabe ora guiniisicabe la? [Guleza guicábibe.] Ñuuladxeʼ nuluéʼ lii xi rusiidiʼ Biblia de José, ti hombre ni zanda chinándanu ejemplu stiʼ. Laabe nga beeda gácabe casi bixhoze Jesús ne bíʼnibe stipa pur yenándabe ni na ca diidxaʼ ni zeeda lu Deuteronomio 31:12 [biindaʼ ni].» Biluíʼ laabe revista Torre stiʼ ni rapa abril-junio ne biindané laabe ca primé párrafo stiʼ yaza 26. Gudxi laabe pabiáʼ risaca gusiidiʼ binni xiiñiʼ de Dios. Bisaanané laabe ca revista ca ne gudxi laabe zabiguétaluʼ sti dxi.

¡Despertad! Junio

«Guiráʼ iza raca huará millón de binni pur gudocaʼ xiixa guendaró ni maʼ cadi galán. Ñee rábiluʼ zanda guidoʼno intiica guendaró sin guni huará laanu la? [Guleza guicábibe.] Lu revista riʼ zeeda tapa cosa ni zanda guni binni para gapa binnilidxi ti cadi gaca huará pur cani gó. Ne laaca cusiéneni rieeteʼ lu Biblia maʼ qué zandaa ziuu stale ni gó binni ne qué ziuu dxi guni huará ni laacaʼ.» Biindaʼ Salmo 104:14, 15.