Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ mayo

«Nabé naná nga ora gati ti binnilídxinu, ne ruluíʼ qué zanda guni huantarnu ni. Ñee raʼbuʼ ziuu dxi guiasa ca binni ni nadxiinu de lade gueʼtuʼ la?» Biluíʼ laabe libru Xipeʼ ndiʼ cusiidiʼ Biblia. Biindaʼ ne bisiene tobi de ca relatu ni zeeda lu yaza 69 ra culuíʼ zandisaʼ Dios binni de lade gueʼtuʼ. Gudxi laabe zabiguétaluʼ sti dxi para gusiéneluʼ laabe jma de tema ca.

Torre stiʼ ni rapa Abril-junio

«Nuu binni na guca Jesús ti hombre chaʼhuiʼ, xcaadxi na Dios ne Jesús tobi si laacaʼ. Lii yaʼ xi riníʼ íqueluʼ.» Guleza guicábibe. Biindaʼ Juan 6:38. Bidii laabe revista Torre stiʼ ni rapa abril-junio ne biindané laabe ra na «Xi bisiidiʼ Jesús» ni zeeda lu yaza 20 ne 21. Gudxi laabe zabiguétaluʼ sti dxi para gusiéneluʼ laabe jma de tema ca.

¡Despertad! Mayo

«Stale binni huayúnicabe laa xiixa ni cadi jneza. Ñee raʼbuʼ nuu tuuxa ni zanda cuee guiráʼ ni cadi jneza cayaca yanna la? [Guleza guicábibe.] Riuuladxeʼ guundaniáʼ lii ti textu ni cuzeeteʼ de ti Rey ni zuni ni jneza para guiráʼ binni guidxilayú [biindaʼ Salmo 72:11-14]. Revista riʼ cuzeeteʼ maʼ cadi candaa zabani binni ndaaniʼ ti guidxilayú ra zaca ni jneza casi na Biblia.»