Sti modo zanda gucaadiáganu ca saa ni rusisaca Jiobá

Ca xpinni Cristu ruuyacaʼ ca saa ca casi ti cosa sicarú ni bisigaʼdeʼ Dios laacaʼ (Sant. 1:17). Nga runi, stale neza binni ridagulisaa riguíxhecaʼ ca saa stiʼ Reinu para gucaadiágacaʼ ante guzulú ca guendaridagulisaa ne ora maʼ bilúxecani. Ora chindanu ra Yoo stiʼ Reinu ne gucaadiáganu ca saa ca, riguixhedxícani ladxidoʼno ne racanécani laanu chuʼnu listu para guni adorarnu Jiobá. Laaca zacané nga laanu para guizíʼdinu cani ne guidúʼndanu cani jneza. Ca saa ni rusisaca Jiobá ca laaca racanécani güíʼ binni diidxaʼ ne cúʼsaacaʼ gana laacaʼ. Ca binnigola naquiiñeʼ guyúbicaʼ modo xhidxi ca saa ni láʼ Cantemos a Jehová (acompañamiento de piano) ante ne despué de cada guendaridagulisaa. Peru naquiiñeʼ gúʼyacabe xhidxi ni biaʼ galán para ganda güíʼ binni diidxaʼ.