Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ mayo

«Guiranu ralenenu donda, nga runi guiranu rucheʼnu. Peru ñee huanabadiidxaluʼ pa rutiidilaʼdxiʼ Dios stonda binni neca nabé malu ni biʼniʼ la?» [Guleza guicábibe.] Biluíʼ laabe tema ni zeeda lu yaza 15 stiʼ revista Torre stiʼ ni rapa 1 stiʼ mayo ne biindané laabe ra zeeda ni cacabi primé guendarinabadiidxaʼ ca ne tobi de ca textu zeeda luni. Bisaanané laabe ca revista ca ne gudxi laabe zabiguétaluʼ ra nuube para guicábiluʼ sti guendarinabadiidxaʼ zeeda luni.

Torre sti’ ni rapa 1 stiʼ mayo

«Ñuuláʼdxidu ñánnadu xi riníʼ íqueluʼ de ca diidxaʼ ni zeeda raríʼ [biindaʼ 1 Juan 4:8]. Stale binni na dxandíʼ ni na ca diidxaʼ riʼ, peru laaca nuu tu riníʼ nabé malu Dios purtiʼ ruseendaʼ xiixa desgracia o rudii lugar guniná cani binni. Lii xi riníʼ íqueluʼ yaʼ [guleza guicábibe]. Revista riʼ cusiéneni laanu xiñee cadi jneza guininu nabé malu Dios.»

¡Despertad! Mayo

«Rápadu gana guinabadiidxadu lii xi riníʼ íqueluʼ de ca gubaanaʼ ni nabé cahuinni yanna riʼ. Nuu tu laa na naquiiñeʼ chuʼ jma puliciá para ganda gaca chaahuiʼ guendanagana riʼ. Lii xi riníʼ íqueluʼ yaʼ [guleza guicábibe]. Biblia ruzeeteʼ zadxiña dxi zaree guiráʼ binni ni ribaʼnaʼ, ñee maʼ huayunadiaʼguʼ nga la? [Biindaʼ Salmo 37:10, 11.] Revista riʼ cusiene ximodo zaca ni na ca diidxaʼ bidúʼndanu ca ne laaca cuzeeteni xi zanda gúninu para gápanu laanu de ca gubaanaʼ.»