Gacanenu cani nacubi guzuhuaa dxiichicaʼ lu stiidxaʼ Dios

¡Nabé riéchenu ora ridúʼyanu modo caguu Jiobá ndaayaʼ dxiiñaʼ ni rúninu! (Deut. 28:2.) Guiráʼ iza riuunisa jma de 250,000 binni. Peru ora maʼ guyuunisa tuuxa, zándaca gusaana de guʼndané maestru stibe laabe, purtiʼ caníʼ ique gacané xcaadxi binni. Ne zándaca guiníʼ ique binni ni deruʼ guyuunisa riʼ gusaana de guʼndanécabe laa purtiʼ cá ique gapa jma tiempu para gucheeche diidxaʼ. Peru nabé risaca guzuhuaa dxiichiʼ ca binni riʼ lu stiidxaʼ Dios. Naquiiñeʼ guicaa xcúcabe lu stiidxaʼ Cristu ne guzuhuaa dxiichicabe lu ni crécabe (Col. 2:6, 7; 2 Tim. 3:12). Nga runi, neca chúʼnisa tuuxa ni cayuundanécabe naquiiñeʼ guiluxe guʼndanécabe laabe libru Xipeʼ ndiʼ cusiidiʼ Biblia ne libru Cadi guixélenu de Dios ni nadxii laanu (biiyaʼ Xhiiñaʼ Reinu ni Rúninu abril 2011, yaza 2).