Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ enero

«Stale binni gadxé gadxé ni riníʼ íquecaʼ de Dios. Nuu tu runi cré ti stipa si laabe. Xcaadxi na laabe nga Bixhózenu ni nadxii laanu. Lii yaʼ, ximodo riníʼ íqueluʼ nácabe.» Guleza guicábibe. De racá biluíʼ laabe últimu yaza stiʼ revista Torre stiʼ ni rapa 1 stiʼ enero ne biindané laabe párrafo ni ricabi primé guendarinabadiidxaʼ zeeda luni ne laaca biindané laabe neca tobi de ca textu cá luni. Gudxi laabe pa ziaananebe ca revista riʼ ne gudixhe padxí guibiguétaluʼ para gúʼndaneluʼ laabe sti guendarinabadiidxaʼ ni zeeda luni.

Torre stiʼ ni rapa 1 stiʼ enero

«Cayuínedu ca vecinu stidu xii nga ni nabé rusiuubaʼ ladxidóʼ binni: laani nga guendaguti. Cadi dxandíʼ laani nga tobi de ca yuubaʼ ni jma naná ridiʼdiʼ binni la? [Guleza guicábibe.] Stale binni riguixhedxí ca diidxaʼ zeeda lu Biblia riʼ ladxidoʼcaʼ [biindaʼ Isaías 25:8]. Revista riʼ cusiene zabee Dios guendaguti ne zandísabe ca binni ni maʼ guti.»

¡Despertad! Enero

«Ca dxi riʼ nabé cadxaagalú stale familia caadxi guendanagana ni qué nihuinni dxiqué. Xi raʼbuʼ caquiiñecabe para guibánicabe galán ne chúʼcabe tobi si yaʼ [guleza guicábibe]. Biiyaʼ xi caníʼ ti proverbio zeeda lu Biblia caquiiñecabe [biindaʼ Proverbios 24:3]. Stale binni maʼ bidii cuenta sicarú guiráʼ ca conseju zeeda lu Biblia. Lu revista riʼ zeeda ti sitiu stiʼ Internet ra nuu stale tema ni zanda gacané guiráʼ familia ne zanda guʼndaʼ binni cani sin quixe.»